საქართველოს იუსტიციის სამინისტროს სსიპ „დანაშაულის პრევენციის ცენტრის“ ინიციატივით, ბათუმში ფეხბურთის მოყვარულ ახალგაზრდებს შორის ტურნირი დასრულდა.

ფინალურ მატჩში ერთმანეთს გუნდები  - “დრაკულა“ და „მეოთხე უბანი“  დაუპირისპირდნენ. დაძაბულ ბრძოლაში ძირითადი დრო ფრედ, 7:7 დასრულდა. პენალტების სერიაში კი „დრაკულამ“ იმარჯვა.

შეჯიბრი აჭარის ა/რ სპორტისა და ახალგაზრდობის საქმეთა დეპარტამენტთან  გაფორმებული მემორანდუმის ფარგლებში გაიმართა. ჩემპიონატის გამარჯვებულ  გუნდსა და ტურნირის საუკეთესო მოთამაშეებს სსიპ "დანაშაულის პრევენციის ცენტრმა“  სამახსოვრო პრიზები გადასცა.

„საუკეთესო ფეხბურთელი“ და „ტურნირის ბომბარდირი“ 17 გატანილი ბურთით გახდა გიორგი ქუთელია, „ახალგაზრდა პერსპექტიულ მოთამაშეებად“ დიმიტრი შანიძე და ალექსანდრე ცხადაია დასახელდნენ, „საუკეთესო მცველის“ ნომინაციაში დათო ჯინჭარაძემ იმარჯვა, ხოლო საუკეთესო მეკარე თორნიკე ხინკილაძე გახდა.

„დანაშაულის პრევენციის ცენტრის ერთ-ერთი მიმართულებაა ახალგაზრდებში ჯანსაღი ცხოვრების წესის პოპულარიზაცია, სპორტული აქტივობების დაგეგმვა-განხორციელება. მსგავსი ტურნირები ტრადიციულად სხვა რეგიონებშიც ჩატარდება და უფრო მასშტაბურ სახეს მიიღებს“, - აცხადებენ დანაშაულის პრევენციის ცენტრში.

ცნობისთვის, ბათუმში, 28-29 ივლისს ფეხბურთის მოყვარულთა შორის შეჯიბრში 60-მდე ახალგაზრდა მონაწილეობდა. მათი უმრავლესობა  დანაშაულის პრევენციის ცენტრის ახალგაზრდული პროგრამების („ლიდერთა სახლი“, „მოხალისე“) აქტიური მონაწილეა. ტურნირში ბათუმის საჯარო სკოლების 14-დან 18 წლამდე ასაკის მოზარდები ჩაერთვნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს

სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ

სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება

მაკა ბოჭორიშვილი - რატომ არის სრულიად სამყარო საქართველოს კანონის წინააღმდეგ მიმართული, რომელიც ემსახურება ერთადერთ მიზანს - გამჭვირვალობას