2015-07-31 15:38:13, 634 ნახვა
კომენტარი
სუბარი: რამდენი მიტინგიც არ უნდა გამართონ, ისნის ჰოსპიტალში შესახლებულებს შენობა არ დაუკანონდებათ
„კატეგორიულად ვამბობ, რამდენი მიტინგიც არ უნდა გამართონ მათ ეს შენობა არ დაუკანონდებათ“,-ამის შესახებ საქართველოს ოკუპირებული ტერიტორიებიდან იძულებით გადაადგილებულ პირთა, ლტოლვილთა და განსახლების მინისტრმა სოზარ სუბარმა ბრიფინგზე განაცხადა. როგორც სუბარმა აღნიშნა, სამინისტროს ყოფილი სამხედრო ჰოსპიტალის შენობა 2014 წელს დევნილთა გრძელვადიანი განსახლებისთვის გადაეცა. „2014 წელს ჩვენ გადმოგვეცა ყოფილი სამხედრო ჰოსპიტალის შენობა იმისთვის, რომ მოხდეს დევნილთა გრძელვადიანი განსახლება. 160 დევნილი ოჯახი უნდა დაკმაყოფილდეს, რომელიც დღეს უმძიმეს პირობებში, ბევრი მათგანი კი ნგრევად ობიექტებში ცხოვრობს. იმის გამო, რომ თავის დროზე არ დაიცალა ეს შენობა, მოხდა ხანძარი, პოლიტიკურმა ძალებმა შეუშალეს ხელი და ამ ხანძარს ემსხვერპლა ბავშვი. დევნილები ვერ გადმოვიყვანეთ ამ შენობაში“,-განაცხადა სუბარმა. მისივე თქმით, დევნილთა სამინისტრომ ისნის ყოფილი სამხედრო ჰოსპიტალიდან 140 ოჯახი ქირით გაიყვანა. „140 დევნილ ოჯახს რამდენიმე თვის განმავლობაში ვუხდიდით ქირას. დღეს ამ ოჯახების რაოდენობა ჩამოვიდა 80-მდე. საჯარო რეესტრში აღმოჩნდა, რომ მათ სხვაგან საცხოვრებლები აქვთ. 25 ათასი ლარი ჩვენი სამინისტროდან ყოველთვიურად იხარჯება იმისთვის, რომ შენობიდან გაყვანილი დევნილები დავაკმაყოფილოთ. მერია და სახელმწიფო ვერ დააკმაყოფილებს იმ სოციალურად დაუცველებს ან ფსევდო სოციალურად დაუცველებს, რომლებსაც აქვთ საცხოვრებელი სახლები რეგიონში. ყველა თბილისელ სოციალურად დაუცველს მერია სთავაზობს ქირით გაყვანას, მანამ სანამ მათთვის სოციალური საცხოვრებლები აშენდება. კატეგორიულად ვიტყვი, რამდენი მიტინგიც არ უნდა გამართონ მათ ეს შენობა არ დაუკანონდებათ და მათ ამ შენობიდან აუცილებლად გავიყვანთ. ეს ადამიანები გვინდა გავიყვანოთ ნებაყოფლობით, კანონიერად და თბილად. არ გვინდა იყოს ძალადობა. თუ ისინი არ დაემორჩილებიან კანონის მოთხოვნებს მაშინ მივმართავთ სხვა მეთოდებს. კატეგორიულად მოვითხოვ, რომ მათ დროზე დაცალონ ეს საცხოვრებლები“,-აღნიშნა სოზარ სუბარმა. ცნობისთვის, დევნილთა სამინისტროსთან ისნის ყოფილ სამხედრო ჰოსპიტალში შესახელბულმა პირებმა აქცია გამართეს. ისინი გამოსახლების პროცესის შეჩერებას ითხოვდნენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან ჯეიკ სალივანი აშშ-ის მიერ უკრაინისთვის ATACMS-ის რაკეტების გადაცემას ადასტურებს
Reuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
ნეთანიაჰუ - ანტისემიტურმა ბრბომ აშშ-ის წამყვანი უნივერსიტეტები მოიცვა - ეს უნდა შეწყდეს
|
ომი უკრაინაშიReuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
კულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება
ვიდეო/LIVE საქართველოს დამოუკიდებლობის დღე - პირდაპირი
ლაზარე გრიგორიადისი თავისუფალია [ვიდეო]
დღის თემა
|