15:30 - 29 Mar, 2024
რეკლამა/ხელმოწერა
2015-07-31 16:52:11, 326 ნახვა

პოლიტიკა
გოცირიძე: როდესაც აცხადებენ, რომ პრეზიდენტის ვეტოს დაძლევენ და არ იციან რა შენიშვნებია, აქ უკვე საუბარი არაა ჯანსაღ პროცესებზე

როდესაც აცხადებენ, რომ ჩვენ დავძლევთ პრეზიდენტის ვეტოს, არ გავითვალისწინებთ მის შენიშვნას და ამ დროს არ იციან რა შენიშვნებია, აქ უკვე არაა საუბარი ჯანსაღ პროცესებზე, - ამის შესახებ ეკონომიკური განვითარების ცენტრის ხელმძღვანელმა რომან გოცირიძემ „ექსპრესნიუსთან“ პრეზიდენტის მიერ „ეროვნული ბანკის შესახებ“ კანონპროექტზე ვეტოს დადებისა და მოტივირებული შენიშვნების სახით ჩამოყალიბებული კანონპროექტის საკითხის კომენტირებისას განაცხადა.

მისი თქმით, ალტერნატიული კანონპროექტი და პრეზიდენტის შეთავაზება სახელისუფლებო წრეებისთვის ყოველთვის მიუღებელი იქნება.

„თუ ჩვენ დავაკვირდებით იმ მოტივს და მთავარ მიზანს, რისთვისაც არის ეს კანონო მიღებული და რატომ ხდება მისი გატანა, ძნელი წარმოსადგენია, რომ ის ძალები, რომლებმაც ეს ჩაიფიქრეს და განახორციელეს, წავიდნენ კომპრომისზე. რადგან მათთვის მიზანი უფრო მეტია, ვიდრე რეპუტაცია. არ გაუშვებენ შანსს, რომ კიდევ ერთხელ ხაზი გაუსვან პრეზიდენტთან დაპირისპირებას და მისი იგნორირება მოახდინონ, რაც საბოლოო ჯამში საკმაოდ ცუდია ქვეყნისათვის. რაც არ უნდა კარგი და სასარგებლო იყოს ქვეყნისათვის პრეზიდენტის შეთავაზება, მათი პოზიცია ყოველთვის უარყოფითი იქნება, რადგან ეს ინიციატივა მათთვის მიუღებელი პიროვნებისგანაა.

როდესაც აცხადებენ, რომ ჩვენ დავძლევთ პრეზიდენტის ვეტოს და არ გავითვალისწინებთ მის შენიშვნას და ამ დროს არ იციან რა შენიშვნებია, იქნებ სულაც ტექნიკური ხასიათისაა, აქ უკვე არაა საუბარი ჯანსაღ პროცესებზე. რადგან ეს ინიციატივა პრეზიდენტისგან მოდის, უნდა ჩაძირონ.

ამ კანონპროექტს არ უჭერს მხარს არცერთი სერიოზული ადამიანი, საერთაშორისო ორგანიზაცია, ბიზნესორგანიზაცია, ევროკავშირი, არცერთი არასამთავრობო ორგანიზაცია, რომელსაც რაიმე სოლიდური წვლილი მიუძღვის ქვეყნის განვითარებაში.  კანონი, რომელსაც არავინ უჭერს მხარს, მათ შორის პრეზიდენტიც, მასზე პრეზიდენტის ვეტო ნიშნავს, რომ ჯიუტად მისი გატანა რაღაც ცუდი პროცების მინანიშნებელია“, - განაცხადა რომან გოცირიძემ.

ცნობისთვის, გიორგი მარგველაშვილმა „ეროვნული ბანკის შესახებ“ კანონპროექტს ვეტო დაადო. ამასთან, კანონპროექტთან დაკავშირებით, მოტივირებული შენიშვნების სახით ჩამოყალიბებულ კანონპროექტს, პრეზიდენტის ადმინისტრაცია პარლამენტში დღის ბოლომდე გადააგზავნის.




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
კობახიძე - ნაკრების გამარჯვება აჩვენებს, რომ სადაც არის ქვეყნის სიყვარული, ბრძოლის ჟინი და გამარჯვების რწმენა, იქ ყველაფერია შესაძლებელი
პრემიერი - სტაჟირების პროგრამა წელსვე უნდა ამოქმედდეს და 3 000-ზე მეტი კურსდამთავრებული უნდა იყოს მიღებული
ჯო ბაიდენი - საუდის არაბეთი და სხვა არაბული ქვეყნები მზად არიან, ისრაელი სრულად აღიარონ
პროგრამის „საპილოტე პროგრამა ქალებისათვის“ ფარგლებში, 100 ქალი დაფინანსდა

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics