2015-07-31 21:03:21, 464 ნახვა
საზოგადოება
შსს-ს განსაკუთრებულ დავალებათა დეპარტამენტს „INL“-ის წარმომადგენლები ესტუმრნენ
შსს-ს სპეციალური და საგანგებო ღონისძებების ცენტრის განსაკუთრებულ დავალებათა დეპარტამენტის თბილისის განსაკუთრებულ დავალებათა სამმართველოს ბაზაზე აშშ-ის სახელმწიფო დეპარტამენტის ანტინარკოტიკული და სამართალდამცავ ორგანოებთან ურთიერთობების საერთაშორისო ბიუროს (INL) ევროპისა და აზიის საგარეო ურთიერთობათა ოფიცერ ჯანელ კუროდას და განსაკუთრებულ დავალებათა დეპარტამენტის დირექტორ მერაბ მალანიას შორის შეხვედრა გაიმართა. შეხვედრას ასევე ესწრებოდნენ დირექტორის მოადგილე ვასილ რევიშვილი, თბილისის განსაკუთრებულ დავალებათა სამმართველოს უფროსი ოთარ ჩაჩუა, ამავე დეპარტამენტის და სპეციალური და საგანგებო ღონისძიებების ცენტრის ადმინისტრაციის წარმომადგენლები, ასევე აშშ-ის საელჩოს „INL“-ის პროგრამის თბილისის ოფისის ხელმძღვანელი პირები. შეხვედრაზე მხარეებმა ურთიერთთანამშრომლობის შედეგები შეაჯამეს, განიხილეს განხორციელებული პროექტები, აღნიშნეს მათი განსაკუთრებული მნიშვნელობა დანაშაულის წინააღმდეგ ბრძოლის ეფექტური მექანიზმის განვითარების საქმეში და თანამშრომლობის სამომავლო გეგმები დასახეს. განსაკუთრებულ დავალებათა დეპარტამენტის თანამშრომლებმა სტუმრებს მუშაობის სპეციფიკა გააცნეს, დაათვალიერებინეს სამმართველოს ინფრასტრუქტურა და აღჭურვილობა. განსაკუთრებულ დავალებათა სამმართველოს პირადმა შემადგენლობამ აშშ-ის წარმომადგენლებისთვის სხვადასხვა სახის მოდელირებული, საჩვენებელი წვრთნა ჩაატარა. შსს-ს სპეციალური და საგანგებო ღონისძიებების ცენტრის განსაკუთრებულ დავალებათა დეპარტამენტი მრავალი წელია აქტიურად თანაშრომლობს აშშ-ის საელჩოს „INL“-ის პროგრამასთან. აღნიშნული პროგრამის ფარგლებში განსაკუთრებულ დავალებათა დეპარტამენტის თანამშრომლებს სხვადასხვა სფეროში ტრენინგები პერიოდულად უტარდებათ. შეხვედრის დასასრულს დეპარტამენტის დირექტორმა მჭიდრო თანამშრომლობის მნიშვნელობას ხაზი გაუსვა, „INL“-ის წარმომადგენლებს მხარდაჭერისთვის მადლობა გადაუხადა და სამახსოვრო საჩუქარი გადასცა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან |
ომი უკრაინაშიუკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
Reuters - ესპანეთი უკრაინას Patriot-ის ტიპის რაკეტებს გაუგზავნის
უკრაინის გენშტაბი - საომარი მოქმედებების დაწყებიდან დღემდე, უკრაინაში 463 930-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|