2015-08-01 09:19:21, 378 ნახვა
პოლიტიკა
მარგველაშვილი ოლიმპიადის გახსნაზე: გარკვეული პროტოკოლის დაცვა იყო საჭირო, რომელიც სამწუხაროდ, ვერ იქნა დაცული
საქართველოს პრეზიდენტი გიორგი მარგველაშვილი ოლიმპიური ფესტივალის გახსნის ღონისძიებაზე მის დაუსწრებლობას პროტოკოლის დარღვევის მიზეზით ხსნის. როგორც მარგველაშვილმა "მაესტროს ცხრიანში" განაცხადა, ის ოლიმპიადის დახურვის ღონისძიებას დღესაც არ დაესწრება. "ჩემთვისაც მნიშვნელოვანი იყო ამ ძალიან საზეიმო და სასიხარულო ღონიძიებაში მონაწილეობა. რადგან ამ საკითხზე ვსაუბრობთ, მინდა კიდევ ერთხელ აღფრთოვანება გამოვხატო იმ სერიოზული წარმატებით, რაც გვაქვს. რომ ეს თამაშები თბილისში ტარდება, რომ ასე ეფექტურად ჩავატარეთ თამაშები. ასევე იმ სპორტული წარმატებით, რომელიც გვაქვს. განსაკუთრებით მახარებს ჩვენი ძიუდოისტი გოგონების წარმატება. მინდა მივულოცო მათ ეს წარმატება. რაც შეეხება დასწრებას, ბუნებრივია, როგორც მოქალაქე, როგორც ქართველი, ვარ აღტაცებული ამ წარმატებით, მაგრამ როგორც პრეზიდენტს, მე არ შემეძლო პროტოკოლის დარღვევით დავსწრებოდი ამ ღონისძიებას. მე უნდა დავსწრებოდი კონკრეტული პროტოკოლით და კონკრეტული ვალდებულებები გამაჩნია, როგორც პრეზიდენტს. გარკვეული პროტოკოლის დაცვა იყო საჭირო, რომელიც სამწუხაროდ, ვერ იქნა დაცული. მცდელობა იყო, რომ ადეკვატური ფორმით მომხდარიყო პრეზიდენტის ჩართვა ამ პროცესში. ეს მცდელობა იყო ახლახან, დახურვასთან მიმართებაში, თუმცა არ მოხერხდა. მე არ მიმაჩნია, რომ ამ დეტალმა რამენაირად ჩრდილი უნდა მიაყენოს ამ ზეიმს, რომელსაც მე როგორც მოქალაქე აღტაცებით ვუერთდები", - განაცხადა გიორგი მარგველაშვილმა. მისივე თქმით, ჯერჯერობით თავისუფალი ქვეყნის თავისუფალი მოქალაქეა და გადაადგილებას ვერავინ შეუზღუდავს, თუმცა პროტოკოლი ბევრ კომპონენტს გულისხმობს. ამასთან, წამყვანის კითხვაზე - "მარტივად რომ ვთქვათ, მას, როგორც პრეზიდენტს, როლი არ ჰქონდა, მარგველაშვილმა დადებითი პასუხი გასცა. ავტორი: ირაკლი მანაგაძე , ექსპრესნიუსის რეპორტიორი 2009 წლიდან აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ
დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს [ვიდეო]
სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ
სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება
|
ომი უკრაინაშიზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|