2015-08-01 14:21:25, 311 ნახვა
პოლიტიკა
პრემიერი: კახიშვილის მინისტრად დანიშვნა მკაფიო გზავნილია, რომ რეფორმირების პროცესში სამოქალაქო საზოგადოების ჩართულობა გაიზრდება
კახა კახიშვილის სასჯელაღსრულების მინისტრად დანიშვნა არის მკაფიო გზავნილი, რომ სასჯეღსრულების სისტემის რეფორმირების პროცესში სამოქალაქო საზოგადოების ჩართულობა კიდევ უფრო გაიზრდება,-ამის შესახებ პრემიერ-მინისტრმა ირაკლი ღარიბაშვილმა მთავრობის ადმინისტრაციაში გამართულ ბრიფინგზე განაცხადა. როგორც ღარიბაშვილმა აღნიშნა, კახიშვილი წესიერებით და დიდი გამოცდილებით გამოირჩევა. „რაც შეეხება ყველასთვის ცნობილ ბატონ კახი კახიშვილს, იგი გახლავთ ორი შვილის მამა, გამოირჩევა თავისი წესიერებით, განათლებით. პროფესიით არის იურისტი, მას საზოგადოება ძალიან კარგად იცნობს. მას აქვს ძალიან დიდი გამოცდილება, როგორც სახელმწიფო სამსახურში მუშაობის, ასევე უკვე არასამთავრობო სექტორში მუშაობის. ბატონი კახა მუშაობდა შინაგან საქმეთა სამინისტროში, პროკურატურაში, იუსტიციის სამინისტროში და მას ყველა ძალიან კარგად ახასიათებს. ბატონი კახა მუშაობდა წლების განმავლობაში არასამთავრობო სექტორში და მან თავი დაიმკვიდრა, როგორც ერთ-ერთმა ყველაზე გამორჩეულმა და ობიექტურმა ექსპერტმა და 2014 წლის ოქტომბრიდან უკვე სასჯელაღსრულების მინისტრის პირველი მოადგილე გახდა. მინისტრად დანიშვნა არის მკაფიო გზავნილი, რომ სასჯელაღსრულების სისტემის რეფორმირების პროცესში სამოქალაქო საზოგადოების ჩართულობა კიდევ უფრო გაიზრდება, ეს სისტემა კიდევ უფრო ღია და გამჭვირვალე გახდება ყველასთვის და ახალ ეტაპზე გადავა ის რეფორმები, რომელიც ჩვენ დავიწყეთ ჯერ კიდევ სუბარის დროს, შემდეგ ბატონმა გოგამ გააგრძელა და ახალ უკვე ბატონი კახა ამ სისტემის რეფორმირების პროცესს დააგვირგვინებს.ბატონი გოგა და ბატონი კახი გახლავთ ჯგუფელები, ისინი ძალიან კარგი მეგობრები გახლავთ და სწორედ თანაავტორები არიან იმ რეფორმების, რომელზეც ვისაუბრეთ. მე ორივეს ვუსურვებ წარმატებებს და მჯერა, რომ უწყებები, რომლებიც მათ ჩაიბარეს გახდება სამაგალითო ჩვენი მთავრობის დროს“,-განაცხადა ირაკლი ღარიბაშვილმა. ავტორი: ირაკლი მანაგაძე , ექსპრესნიუსის რეპორტიორი 2009 წლიდან |
ომი უკრაინაშიReuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
კულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|