საქართველოში უსაფრთხოები თვალსაზრისით, არც პერიფერია და არც ცენტრი არსებობს.
ამის შესახებ დედაქალაქის მერმა, გიგი უგულავამ საგანგებო სიტუაციების მართვის ცენტრში სტუმრობისას განაცხადა.
“ქვეყანაში და თბილისის ნებისმიერ უბანში დამკვიდრდა უსაფრთხოების განცდა. ამ თვალსაზრისით არც პერიფერია და არც ცენტრი არსებობს. ყველა პერიფერია ცენტრია და ყველა ცენტრი – პერიფერია, ეს სწორედ იმით არის განპირობებული, რომ ქალაქში მცხოვრებ მოქალაქეებს უსაფრთხოების განცდა აქვთ. ეს ცენტრიც ამის ერთ-ერთი მაგალითია”, – განაცხადა გიგი უგულავამ.
მისივე განმარტებით, მიღწეული შედეგი უმნიშვნელოვანესია, რადგან იქ, სადაც
მოქალაქეებს უსაფრთხოების განცდა არ აქვთ, არც ბიზნესი და არც არაფერი ვითარდება.
გიგი უგულავასთან ერთად, საგანგებო სიტუაციების მართვის ცენტრს წუხელ სტუმრობდნენ საქართველოს პრეზიდენტი და შინაგან საქმეთა მინისტრი ვანო მერაბიშვილი.