საქართველოს პრეზიდენტი მიხეილ სააკაშვილი რაჭაში სოფელ ხვანჭკარაში, ხვარცუთისა და ნიკორწმინდაში მოსახლეობას შეხვდა.
პრეზიდენტმა ადგილობრივ მოსახლეობას რაჭაში დაგეგმილი ინფრასტრუქტურული პროექტები გააცნო.
სიტყვით გამოსვლისას, პრეზიდენტმა იმ სოციალურ პროგრამებზეც ისაუბრა, რომელიც უახლოეს მომავალში უნდა ამოქმედდეს.
“ჩემთვის დიდი პატივია ხვანჭკარის თემში ჩამოსვლა, სადაც რამდენიმე სოფელი შედის. ჩემთვის განსაკუთრებით საყვარელი ხალხი ცხოვრობს რაჭაში, განსაკუთრებით მშრომელი, თბილი, მეგობრული და პატრიოტი. რა თქმა უნდა, ძალიან ბევრს ვფიქრობ იმაზე, როგორ უნდა განვითარდეს აქაურობა. ყველგან რაჭაში ვაკეთებთ გზას, ყველგან რაჭაში მივალთ კარგი გზით. რაჭის ყველა სოფელში ჩვენ გავაკეთებთ წყლის სისტემას, რომ ეს პრობლემა ერთხელ და სამუდამოდ მოიხსნას”, – განაცხადა მიხეილ სააკაშვილმა.
სააკაშვილმა რაჭის ყველა სოფლის გაზიფიკაციისა და ევროპული სტრანდარტების შესაბამისი სკოლების შექმნის პირობა დადო.
“წელს რთველი უნდა ჩავატაროთ უფრო ორგანიზებულად, ვიდრე როდესმე, რადგან ეს არის ეროვნული ღირსების საკითხი”, – განაცხადა მიხეილ სააკაშვილმა.