გადაუღებელი წვიმების გამო ჩინეთის დიდი კედლის ნაწილი ჩამოინგრა. ჩამონგრევა ჰებეის პროვინციაში მოხდა. ჩამოშლილი ნაწილის სიგრძე 36 მეტრს შეადგენს. ჩამოშლილი მონაკვეთის მახლობლად კედელს ბზარები გაუჩნდა.
ამ დროისთვის ინციდენტის ადგილას აღდგენითი სამუშაოები მიმდინარეობს, იგეგმება გამაგრებითი სამუშაოები.
ჩინეთის დიდი კედელი მსოფლიოში არქიტექტურის ყველაზე მსხვილი ძეგლია. მისი სიგრძე 21196 კილომეტრს შეადგენს. კედლის მშენებლობა მომთაბარე ტომებისგან დასაცავად ძველი წელთაღრიცხვით III საუკუნეში დაიწყო.
ჩამოშლილი მონაკვეთი მინის დინასტიის დროს 1368-1644 წლებში აშენდა.
აღსანიშნავია, რომ ჩინეთში წვიმებს უკვე 112 ადამიანის სიცოცხლე შეეწირა.