მივმართავ საქართველოს სახალხო დამცველს - ბ-ნო ლევან, გამოდით და მოუწოდეთ ხელისუფლებას, არ მიიღოს ეს კანონი,- ამის შესახებ ოპოზიციონერმა დეპუტატმა, თამარ კორძაიამ "უცხოური გავლენის გამჭვირვალობის შესახებ" კანონპროექტთან დაკავშირებით განაცხადა.

როგორც კორძაიამ ცოტა ხნის წინ გამართულ საგანგებო ბრიფინგზე აღნიშნა, საკითხი არა პოლიტიკური შეფასების, არამედ ადამიანის უფლებების დაცვის საკითხია.

"მივმართავ საქართველოს სახალხო დამცველს, ლევან იოსელიანს. ჩემი პასუხისმებლობაა, გამოვიყვანო ის იმ კომფორტიდან, რომელიც აქვს მას ამ კანონთან მიმართებაში. 

ბ-ნო ლევან, მოგმართავთ საჯაროდ, სახალხოდ და მოგიწოდებთ, რომ ჩაატაროთ ბრიფინგი და მოუწოდოთ ხელისუფლებას, არ მიიღოს კანონი, რომელთან დაკავშირებითაც სწორედ სახალხო დამცველის რეკომენდაციით, ეუთოს დასკვნის თანახმად, დაირღვევა პერსონალურ მონაცემთა დაცვის კონსტიუციური უფლება; დაირღვევა გაერთიანების თავისუფლება; ეს კანონი ეწინააღმდეგება არასამთავრობო ორგანიზაციების საქმიანობის კანონიერების პრეზუმფციას...

ბ-ნო ლევან, სწორედ სახალხო დამცველის მოთხოვნის საფუძველზე, ეუთომ დაწერა 70-გვერდიანი დასკვნა. ყოველ გვერდში ის მიუთითებს იმას, რომ ეს კანონი არღვევს ადამიანის უფლებებს და ეს კანონი არ არის საქართველოს კონსტიტუციითა და საერთაშორისო სტანდარტებით აღიარებული თავისუფლებების დაცვის სტანდარტის შესაბამისი. ამიტომ, მოგიწოდებთ, გამოხვიდეთ. ეს არ არის პოლიტიკური შეფასების ნაწილი, ადამიანის უფლებების დაცვის საკითხი.

ბ-ნო ლევან, კიდევ ერთხელ დაბეჯითებით - გამოდით და მოუწოდეთ ხელისუფლებას, არ მიიღოს ეს კანონი",- განაცხადა თამარ კორძაიამ.

ავტორი: ექსპრესნიუსი,

სოციალური ქსელები

ზურაბიშვილი - მეგობრებს გავაცანი, როგორი უნდა იყოს ევროპული პლატფორმა, რომელზეც ვმუშაობ და რომელიც არჩევნებამდე ერთობით მიგვიყვანს

ლანდსბერგისი - ეს კანონპროექტი შეაფერხებს საქართველოს პროგრესს - თუ ეს მოხდება, პასუხისმგებლობა ხელისუფლებას დაეკისრება

ქარვისფერი და ქვევრის ღვინოების დაგემოვნება განსაკუთრებით ემოციური იყო - კანადელი სომელიე

ჰანკე ბრუინს სლოტი - კანონის მიღება საქართველოს პარტნიორების რჩევის საწინააღმდეგოდ, ქვეყანას ევროკავშირს კიდევ უფრო აშორებს