"ხარებას" დაჯგუფების ალყაში მოვხვდი. როცა მირტყამდნენ, მეუბნებოდნენ, რომ შენ გრძელი ენა გაქვს და ხელისუფლებას აკრიტიკებ მუდმივად და იქნებ გაჩერდე, - ამის შესახებ "ერთიანი ნაციონალური მოძრაობის" თავმჯდომარემ, ლევან ხაბეიშვილმა პარლამენტში, პლენარულ სესიაზე სიტყვით გამოსვლისას განაცხადა.

ხაბეიშვილი, რომელსაც 30 აპრილს "უცხოური გავლენის გამჭვირვალობის შესახებ" კანონპროექტის საწინააღმდეგო აქციაზე სამართალდამცველები ფიზიკურად გაუსწორდნენ, ამბობს, რომ რასაც სამართალდამცველები მისგან მოითხოვდნენ, "არ შეასრულა, რის გამოც უფრო მეტი მოხვდა".

"ხარებას" დაჯგუფების ალყაში მოვხვდი. დაახლოებით, 10-15 წუთის განმავლობაში აგრძლებდნენ და როცა მირტყამდნენ მეუბნებოდნენ, რომ შენ გრძელი ენა გაქვს და ხელისუფლებას აკრიტიკებ მუდმივად და იქნებ გაჩერდე.

იძახდნენ, რომ მოკალით და მერე თქვით, რომ თავი დაარტყა. ამბობდნენ, რომ მე უნდა მეთქვა, რომ ჩმორი ვარ და ამ შემთხვევაში არ მცემდნენ. თუ ვეტყოდი, რომ ჩმორი ვარ, აღარ დამარტყამდნენ. ცხადია, ეს ფუფუნება არ მივეცი. ამაზე პასუხი როცა მიიღეს, კიდევ უფრო მეტი მომხვდა“, - განაცხადა ხაბეიშვილმა.

ავტორი: ექსპრესნიუსი,

სოციალური ქსელები

ვენეციის კომისია ხელისუფლებას კატეგორიულად ურჩევს, რომ „უცხოური გავლენის გამჭვირვალობის შესახებ​“ კანონი გააუქმოს

პესკოვი - უკრაინელი სამხედროები არახელსაყრელ ვითარებაში იმყოფებიან, ამის გამო ზელენსკი ომში დასავლეთის უფრო აქტიურად ჩართვას ცდილობდა

ცესკოს თავმჯდომარე ეუთოს დემოკრატიული ინსტიტუტებისა და ადამიანის უფლებათა ოფისის წარმომადგენლებს შეხვდა

სუნაკი - კარიმ ხანის მოთხოვნა უსარგებლოა - ამით ბრძოლის ველზე არაფერი შეიცვლება