2017-03-01 12:03:01, 2992 ნახვა
პოლიტიკა
საქართველოს მოქალაქეები ევროპაში უვიზოდ მოგზაურობას 28 მარტიდან შეძლებენ
საქართველოსთვის უვიზო რეჟიმის მინიჭების შესაბამისი დოკუმენტი, რომელსაც ხელი ოფიციალურად დღეს მოეწერება, ევროკავშირის ჟურნალში 8 მარტს გამოქვეყნდება, - ამის შესახებ "რადიო თავისუფლების" ბრიუსელის კორესპონდენტი რიკარდ იოზვაკი Twitter-ის საკუთარ გვერდზე წერს. როგორც იოზვაკი წერს, ჟურნალში გამოქვეყნების შემდეგ უვიზო მიმოსვლის ამოქმედებას 20 დღე სჭირდება. "ვიზალიბერალიზაციის შესახებ დოკუმენტი ევროკავშირის ჟურნალში 8 მარტს გამოქვეყნდება. ამის შემდეგ უვიზო მიმოსვლის ძალაში შესვლას 20 დღე სჭირდება. შესაბამისად 28 მარტს საქართველოსთვის უვიზო მიმოსვლა ძალაში შევა", - აღნიშნა იოზვაკმა. შეგახსენებთ, რომ ევროპარლამენტმა საქართველოსთვის ვიზალიბერალიზაციას 2 თებერვალს ხმათა უმრავლესობით მხარი დაუჭირა. ევროპული პარლამენტის 553 დეპუტატმა უვიზო მიმოსვლას მხარი დაუჭირა, 66 კი წინააღმდეგი იყო. საბოლოო ცვლილება რეგულაციაში, რომელიც საქართველოს მოქალაქეებისთვის ევროკავშირის წევრ ქვეყნებში უვიზო მიმოსვლის შემოღებას ითვალისწინებს, ევროსაბჭომ 27 თებერვალს დაამტკიცა. ცნობისთვის, საქართველოს მოქალაქეებისთვის უვიზო მიმოსვლის შემოღებასთან დაკავშირებული რეგულაციის ხელმოწერის ცერემონია ევროპარლამენტში დღეს გაიმართება. ავტორი: ირაკლი მანაგაძე , ექსპრესნიუსის რეპორტიორი 2009 წლიდან |
ომი უკრაინაშიუკრაინა კრასნოდარის მხარეში თავს დაესხა ნავთობგადამამუშავებელ ქარხანასა და სამხედრო აეროდრომს
Welt: უკრაინა გამოვიდა რუსეთთან მოლაპარაკებების პროცესიდან 2022 წელს იმის გამო, რომ კრემლმა ახალი მოთხოვნები წამოაყენა
კანადა უკრაინას საბრძოლო თვითმფრინავების წარმოებისთვის 2,3 მილიონ დოლარზე მეტს გამოუყოფს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|