00:08 - 23 Feb, 2018
2017-03-29 16:10:57, 1326 ნახვა
დიდი ბრიტანეთის ევროკავშირიდან გასვლის პროცედურა ამოქმედდა - „ჩვენ ვტოვებთ ევროკავშირს და არა ევროპას“

ევროკავშირის საბჭოს დონალდ ტუსკის ინფორმაციით, დიდი ბრიტანეთის ევროკავშირიდან გამოსვლის პროცედურა ამოქმედდა, - ამის შესახებ BBC იუწყება.

ევროკავშირში ბრიტანეთის ელჩმა ტიმ ბაროუმ დონალდ ტუსკს ქვეყნის პრემიერ-მინისტრის ტერეზა მეის მიერ მოწერილი წერილი უკვე გადასცა.

ქვეყნის პრემიერი "ბრექსითის" დაწყებასთან დაკავშირებით, ლისაბონის შეთანხმების 50-ე მუხლი გამოიყენა. საბუთი აძლევს საშუალებას (თუმცა არ ავალდებულებს) პრემიერ-მინისტრს აცნობოს ევროკავშირის წევრებს, რომ დიდი ბრიტანეთი "ბრექსითის" 2-წლიან პროცედურას იწყებს.

რას გულისხმობს ლისაბონის შეთანხმების 50-ე მუხლი - 2007 წელს ხელი მოეწერა საბუთს, რომელიც ევროპული კავშირის შეთანხმებას გულისხმობს. ის ცნობილია, როგორც ლისაბონის შეთანხმება. ლისაბონის შეთანხმებამ ევროკავშირის კონსტიტუცია ჩაანაცვლა, რომლის წინააღმდეგ ორი წევრი ქვეყანა - საფრანგეთი და ნიდერლანდები გამოდიოდნენ.

ლისაბონის შეთანხმება არის ევროკავშირის ძირითადი საბუთი, რომლის თანახმადაც წევრ ქვეყანას აქვს უფლება კავშირი დატოვოს. სწორედ ამას ეძღვნება 50-ე მუხლი.

"ეს ისტორიული მომენტია, რომლის დაწყებითაც უკან დასაბრუნებელი გზა არ გვექნება. ბრიტანეთი ევროკავშირს ტოვებს - ჩვენ მივირებთ გადაწყვეტილებებს და ჩვენ პირად კანონებს. კონტროლის ქვეშ იქნება ყველაფერი, რაც ჩვენთვის მნიშვნელოვანია. გამოვიყენებთ შესაძლებლობას, ავაშენოთ უფრო პატიოსანი ბრუტანეთი, რომლითაც ჩვენი შვილები იამაყებენ", - განაცხადა პრემიერ-მინისტრმა ტერეზა მეიმ. 

უკვე გამოქვეყნდა დიდი ბრიტანეთის პრემიერ-მინისტრის ტერეზა მეის წერილი, ევროკავშირის საბჭოს პრეზიდენტის დონალდ ტუსკის სახელზე: 

შეგახსენებთ, რომ გაერთიანებული სამეფოს ევროკავშირიდან გასვლის შესახებ რეფერენდუმი 2016 წლის 23 ივნისს ჩატარდა. ამ გადაწყვეტილებას მხარი პლებისციტში მონაწილე მოქალაქეების ნახევარზე მეტმა დაუჭირა, რის შემდეგაც მაშინდელი პრემიერ-მინისტრი დევიდ კამერონი გადადგა - ის ევროკავშირიდნ გასვლას ეწინააღმდეგებოდა. მისი ადგილი ტერეზა მეიმ დაიკავა. 



სოციალური ქსელები
კომენტარები



პოლიციელებმა ხაშურელ ბიჭს ოცნება აუხდინეს და ზოოპარკში წაიყვანეს
საუდის არაბეთში, ჯგუფური გაუპატიურების მსხვერპლი გოგო სასამართლომ დამნაშავედ ცნო
მაია ასათიანის ჯანმრთელობის მდგომარეობის გამო, „პროფილი“ დროებით ეთერს აჩერებს

არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics