2024-05-03 10:42:22, 370 ნახვა
საზოგადოება
DRI - პოლიციის უმოქმედობა აქციის მონაწილეების მიმართ ძალადობაზე, ძალადობრივი ჯგუფების ინსტრუმენტალიზაციაზე მიანიშნებს
პოლიციის უმოქმედობა აქციის მონაწილეების მიმართ ძალადობაზე, მიანიშნებს ძალადობრივი ჯგუფების ინსტრუმენტალიზაციაზე,- ამის შესახებ ნათქვამია განცხადებაში, რომელსაც "დემოკრატიის კვლევის ინსტიტუტი" (DRI) ავრცელებს. DRI-ის ინფორმაციით, 2 მაისს, გმირთა მოედნის მიმდებარე ტერიტორიაზე აქციის მონაწილეებს ორგანიზებული ჯგუფები დაესხნენ თავს. როგორც ორგანიზაციის განცხადებაშია აღნიშნული, "ძალადობრივი თავდასხმის ადგილზე არ იყო არც ერთი საპატრულო ეკიპაჟი. სამართალდამცავები დანაშაულის ადგილზე არ გამოჩენილან არც ინციდენტის შემდეგ. ამ დრომდე ორგანიზებული ძალადობა არ შეუფასებია შინაგან საქმეთა სამინისტროს". "დემოკრატიის კვლევის ინსტიტუტი" მოუწოდებს შინაგან საქმეთა სამინისტროს:
"დემოკრატიის კვლევის ინსტიტუტი" ეხმიანება 2 მაისს, გმირთა მოედნის მიმდებარე ტერიტორიაზე აქციის მონაწილეებზე ორგანიზებული ჯგუფების თავდასხმას, აღნიშნავს, რომ ძალადობასთან დაკავშირებით ხაზგასმით თვალშისაცემია სამართალდამცველთა უმოქმედობა და მოუწოდებს შსს-ს, უზრუნველყოს აქციის მონაწილეთა უსაფრთხოება. დაახლოებით, ღამის 01:20 საათზე, გმირთა მოედნის მიმდებარე ტერიტორიაზე, მშვიდობიანი აქციის მონაწილეებს მოულოდნელად, ყოველგვარი პროვოცირების გარეშე, თავს დაესხა სამოქალაქო ტანსაცმელში ჩაცმული, ძლიერი ფიზიკური აღნაგობის მქონე 20-მდე ადამიანი, რომლებიც რამდენიმე ავტომობილით გადაადგილდებოდნენ. თავდამსხმელთა შეთანხმებული მოქმედება ამყარებს ვარაუდს, რომ მოძალადეები იყვნენ წინასწარ ორგანიზებული ძალადობრივი ჯგუფის წევრები. თვითმხილველების გადმოცემიდან და საჯაროდ გავრცელებული ვიდეომასალიდან დასტურდება, რომ თავდამსხმელები აქციის მონაწილეებს უმოწყალოდ ურტყამდნენ სახის არეში და სხეულის სხვადასხვა ნაწილში. ინციდენტს შეესწრნენ ბავშვებიც. გავრცელებული კადრებიდან იდენტიფიცირებადია ორგანიზებული ძალადობრივი ჯგუფის წევრების ვინაობა. კარგად ჩანს მათი ავტოსატრანსპორტო საშუალებების ნომრებიც. ძალადობრივი თავდასხმის ადგილზე არ იყო არც ერთი საპატრულო ეკიპაჟი. სამართალდამცავები დანაშაულის ადგილზე არ გამოჩენილან არც ინციდენტის შემდეგ. ამ დრომდე ორგანიზებული ძალადობა არ შეუფასებია შინაგან საქმეთა სამინისტროს. ორგანიზებული ძალადობრივი ჯგუფების ინსტრუმენტალიზაცია და მშვიდობიანი შეკრების მონაწილეების მოძალადეების პირისპირ შეტოვება წარმოადგენს პრაქტიკას, რომელსაც წლებია ამკვიდრებს „ქართული ოცნების“ ხელისუფლება. მაშინ, როდესაც სამართალდამცავების ძირითადი რესურსი მშვიდობიანი აქციის მონაწილეთა წინააღმდეგ არის მიმართული (მშვიდობიანი აქციის სამართლებრივი საფუძვლის გარეშე დაშლის მცდელობა, აქციის მშვიდობიანი მონაწილეების წინააღმდეგ არაპროპორციული ძალის გამოყენება, დემონსტრანტების შესაბამისი სამართლებრივი საფუძვლის გარეშე ადმინისტრაციული წესით დაკავება), პოლიციის უმოქმედობა ორგანიზებული ჯგუფის მიერ ჩადენილ ძალადობაზე ხაზგასმით თვალშისაცემია",- ნათქვამია განცხადებაში. ავტორი: ექსპრესნიუსი, დღეს, 18 მაისს, 17:00 საათზე სტუდენტური მარში გაიმართება
დაფიონი კობახიძის მიერ საჯარო დისკუსიის შეთავაზებაზე - ხელისუფლებასთან მოლაპარაკებებზე წასვლა, სტუდენტური ფიცის ღალატი იქნება
ღარიბაშვილი ევროპის საგარეო საქმეთა მინისტრების ვიზიტზე - მათი მიტინგზე გამოსვლა შეურაცხმყოფელია
ღარიბაშვილი პრეზიდენტზე - თუ გამოდიხარ და გაქვს პრეტენზია, რომ გახდე ლიდერი, ლიდერმა უნდა თქვას აზრი, მაშინ რას სთავაზობს საზოგადოებას
|
ომი უკრაინაშიკიევი აშშ-ს სთხოვს დაზვერვის მონაცემებს რუსეთის სამიზნეებზე
უკრაინის საჰაერო ძალები - რუსების მიერ გაშვებული 13-ვე „შაჰიდი“ გავანადგურეთ
ზელენსკი - რუსეთის დარტყმების შემდეგ, ჩვენმა ენერგეტიკულმა სექტორმა წარმოების მნიშვნელოვანი ნაწილი დაკარგა
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს მესამე მოსმენით მხარი დაუჭირა
მთავარი თემა
|