2024-04-26 14:16:39, 318 ნახვა
პოლიტიკა
ცესკომ „ალტ-ინფოს“ ახალ პარტიას საარჩევნო რეგისტრაცია შეუჩერა
ცენტრალურმა საარჩევნო კომისიამ ძალადობრივი, პრორუსული „ალტ-ინფოს“ ახალ პარტიას, სახელწოდებით „ქართული იდეა“ საარჩევნო რეგისტრაცია შეუჩერა. ამის შესახებ „ალტ-ინფოს“ ერთ-ერთი ლიდერი ზურაბ მახარაძე სოციალურ ქსელში წერს და ცესკოს წერილს აქყვეყნებს. როგორც წერილშია აღნიშნული, ცესკოს საჯარო რეესტრის ეროვნულ სააგენტოს 25 აპრილის წერილით ეცნობა, რომ უწყებაში შესულია ანტიკორუფციული ბიუროს მიმართვა/შინაარსით საჩივარი, რომელიც ეხება მოქალაქეთა პოლიტიკური გაერთიანების „ქართული იდეა“ რეგისტრირებული მონაცემების კანონმდებლობასთან შესაბამისობის მოკვლევას. წერილის თანახმად, საჯარო რეესტრმა 23 აპრილს აღნიშნული საჩივარი წარმოებაში მიიღო და „ვიდრე არ დადგინდება პარტიის რეგისტრირებული მონაცემების კანონმდებლობასთან შესაბამისობა, მათ შორის ცესკოსადმი რეგისტრაციის მოთხოვნით წარმოდგენილ განცხადებაზე უფლებამოსილი პირის კანონიერება, ცესკო ზემოაღნიშნული ვადით აჩერებს რეგისტრაციის პროცედურების განხილვას“. ზურაბ მახარაძე ცესკოს წერილს ეხმაურება და აცხადებს, რომ „ყველაფერს გააკეთებენ იმისთვის, რომ ხალხს არჩევნებზე „ნაცების“ და „ქოცების“ გარდა, სხვა არჩევანიც ჰქონდეს". „ეს წერილი დაგვახვედრა ცესკომ და გვითხრა, რომ არ დაითვლის ჩვენს მიტანილ 70 000 ხელმოწერას, რადგან რეესტრმა „ქართული იდეის" გაუქმების პროცესიც დაიწყო. ვუყურებ ახლა ამ დოკუმენტს რომლითაც „ოცნება" „ქართულ იდეას აუქმებს, პარტიას რომელიც წინა არჩევნებში მონაწილეობას იღებდა და პარალელურად ვკითხულობ ვითომ ეროვნული ფლანგის ხალხის „პოსტებს", ვინც ჩვენ სამშობლოს მოღალატედ გვაცხადებენ იმის გამო, რომ „ოცნების" პარტიულ ღონისძიებაზე არ მივდივართ. ესაა რეალობა. ჩვენ ყველაფერს გავაკეთებთ იმისთვის, რომ არჩევნებზე ხალხს „ნაცების" და „ქოცების" გარდა, კიდევ რამე არჩევანი ჰქონდეს, მაგრამ ხალხმაც უნდა გადაწყვიტოს, საერთოდ უნდა თუ არა ასეთი არჩევანი. თუ გინდა უფლება, მისთვის რამე უნდა გააკეთო“, - წერს ზურაბ მახარაძე სოციალურ ქსელში. ავტორი: ექსპრესნიუსი, 12 ქვეყნის საგარეო მინისტრები ბორელს - ვწუხვართ, რადგან საქართველოს მთავრობა ქვეყნის ევროპულ ინტეგრაციას საფრთხეს უქმნის
პენიტენციური - სპეციალური პენიტენციური სამსახურის მოსამსახურეთათვის სოციალური დაცვის დამატებითი გარანტიები განისაზღვრა
მანჯგალაძე „ოცნებას“ - არ გრცხვენიათ? - იმისთვის, რომ უსაფრთხოდ შესულიყავით პარლამენტში, ახალგაზრდა გოგო-ბიჭებს ფიზიკურად გაუსწორდნენ
„ხალხის ძალა“ - საქართველოში ჩამოდიან დასავლელი პოლიტიკოსები - ხელისუფლებამ უნდა იმსჯელოს, იმსახურებენ თუ არა ქვეყანაში შემოშვებას
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 482 290-მდე რუსი ჯარისკაცი მოკლეს
ვოლოდიმირ ზელენსკიმ სახელმწიფო დაცვის სამმართველოს ხელმძღვანელი თანამდებობიდან გაათავისუფლა
უკრაინის გენშტაბი - საომარი მოქმედებების დაწყებიდან დღემდე, უკრაინაში 479 710-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
|