01:13 - 29 Mar, 2024
რეკლამა/ხელმოწერა
2015-02-25 19:15:04, 1108 ნახვა

პოლიტიკა
გიორგი მარგველაშვილი ამ ეტაპზე რიგგარეშე საპარლამენტო სხდომის ჩატარების საჭიროებას ვერ ხედავს

საქართველოს პრეზიდენტი გიორგი მარგველაშვილი ქვეყანაში შექმნილ ეკონომიკურ მდგომარეობასთან დაკავშირებით, ამ ეტაპზე რიგგარეშე საპარლამენტო  სხდომის ჩატარების საჭიროებას  ვერ ხედავს.

როგორც მარგველაშვილმა ფინანსთა და ეკონომიკის მინისტრებთან შეხვედრის დასრულების შემდეგ ჟურნალისტებს განუცხადა, მთავრობის ეკონომიკურ გუნდს უნდა მიეცეს საშუალება,  წარმოადგინონ საკუთარი ხედვა არსებული სირთულეების დაძლევის მიმართულებით.

პრეზიდენტის ინფორმაციით, ეკონომიკური გუნდი ამ გეგმის წარმოდგენას სავალუტო ფონდის მისიის დასრულებისთანავე, სავარაუდოდ, 5 მარტისთვის აპირებს.

"მე დღეს შევხვდი ფრაქცია "თავისუფალი დემოკრატების" წარმომადგენლებს, რომლებიც ისევე როგორც სხვა დეპუტატები, სრულიად ლეგიტიმურად არიან დაინტერესებული იმაში, თუ რანაირად დაიძლევა ის სირთულეები, რაც ამ ბოლო დროს დაუკავშირდა ჩვენს სავალუტო კურსს.მე ასევე დღეს შევხვდი მთავრობის ეკონომიკურ გუნდს, მთავრობის ეკონომიკურმა გუნდმა წარმომიდგინა ძირითადი პრინციპები სავალუტო სტაბილიზაციის მიმართულებით გასატარებელი ქმედებებისა, ისინი ახლა ინტენსიურად მუშაობენ სავალუტო ფონდის მისიასთან, რომელიც საქართველოში იმყოფება და უახლოეს მომავალში სავარაუდოდ, სავალუტო ფონდის მისიის დასრულებისთანავე, ქართულ საზოგადოებას წარმოუდგენენ გეგმას სავალუტო სტაბილიზაციის მიმართულებით გასატარებელი მოკლევადიან და საშუალოვადიან ქმედებებზე. შესაბამისად, მიმაჩნია, რომ ამ  ეტაპზე უნდა მივცეთ დრო მთავრობის ეკონომიკის გუნდს, რათა ძალიან კონკრეტულად წარმოუდგინოს საზოგადოებას თავიანთი ხედვა არსებული სირთულეების დაძლევის მიმართულებით. საუბარია იმაზე, რომ გეგმის ძირითადი პრინციპები ჩამოყალიბებულია, თუმცა მიმდინარეობს ინტენსიური მუშაობა სავალუტო ფინდის მისიასთან, რაც ძალიან მნიშვნელოვანია იმიტომ, რომ გარკვეული კონკრეტული დეტალების დაზუსტება ხდება. შესაბამისად, მე ვვარაუდობ, რომ ეს არის 5 მარტის ასე ვთქვათ არეალში, რადგან სავალუტო ფონდის მისია მიდის 4 მარტს. მიმაჩნია, რომ ჩვენ უნდა მივცეთ მთავრობის ეკონომკურ გუნდს დრო იმისთვის, რომ ეს მისია დასრულდეს, მიმაჩია, რომ 5 მარტამდე ჩვენ უნდა მივცეთ ამის დრო და შესაძლებლობა ჩვენს ეკონომიკურ გუნდს",-განაცხადა გიორგი მარგველაშვილმა.




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
რუსეთის საგამოძიებო - Crocus City Hall-ზე მომხდარ ტერაქტთან უკრაინელი ნაციონალისტების კავშირის დამადასტურებელი მტკიცებულება მოვიპოვეთ
სახმელეთო ტრანსპორტის სააგენტოს ხელმძღვანელობასა და გადამზიდველთა შორის შეთანხმება შედგა
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics