2015-09-02 14:21:00, 529 ნახვა
საზოგადოება
სერვისების განვითარების სააგენტოს ნუკრიანის საზოგადოებრივ ცენტრში სამხატვრო კონკურსი მოეწყო
სახელმწიფო სერვისების განვითარების სააგენტოს სოფელ ნუკრიანის საზოგადოებრივ ცენტრში ადგილობრივი ბავშვებისთვის და ახალგაზრდებისთვის სამხატვრო კონკურსი მოეწყო. კონკურსი საზოგადოებრივ ცენტრებში მიმდინარე შემეცნებითი პროექტის ფარგლებში გაიმართა, რომლის მიზანს სოფლად მცხოვრები ახალგაზრდების სხვადასხვა, მათთვის საინტერესო მიმართულებებით განვითარება წარმოადგენს. კონკურსი ორი ასაკობრივი კატეგორიისთვის 10-13 და 14-18 წლის ახალგაზრდებისთვის დავალებად მიცემულ თემაზე ნამუშევრის შექმნას მოიცავდა. კონკურსში მონაწილე 35 ახალგაზრდას ჟიურიმ სამუშაო თემად „მომავლის ბიბლიოთეკა“ მისცა. ნამუშევრების შეფასებისას კი მრავალ განმსაზღვრელ ფაქტორს კი ნამუშევრის შინაარსი და არა მისი ტექნიკური შესრულება წარმოადგენდა. რამდენიმე საათის განმავლობაში თითოეულმა მონაწილემ ნახატში გადმოსცა, თუ როგორ წამოუდგენით მომავლის ბიბლიოთეკა. კონკურსის დასასრულს კი თითოეულ კატეგორიაში 3 გამარჯვებული გამოვლინდა. პირველ ადგილზე გასულ კონკურსანტებს სერვისების განვითარების სააგენტოსგან ფოტოაპარატი, ტექნიკისა და საკანცელარიო მაღაზიების ვაუჩერი გადაეცათ, დანარჩენებს კი სერვისების განვითარების სააგენტოსგან სახელობითი საჩუქრები ერგოთ. კონკურსი სოფლად მცხოვრები ახალგაზრდების შემეცნებით პროექტებში ჩართვის მიზნით საქართველოს სხვადასხვა მუნიციპალიტეტში მდებარე საზოგადოებრივ ცენტრებში პერმანენტულად მიმდინარეობს სხავდასხვა ღონისძიებები. ამავე პროექტის ფარგლებში 2-3 სექტემბერს სოფელ ხიდისთავში ლიტერატურული კონკურსი გაიმართება. ავტორი: ირაკლი მანაგაძე , ექსპრესნიუსის რეპორტიორი 2009 წლიდან |
ომი უკრაინაშიუკრაინის დაზვერვა - მოსკოვის აეროდრომზე რუსების ვერტმფრენი Ka-32 გავანადგურეთ
უკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
Reuters - ესპანეთი უკრაინას Patriot-ის ტიპის რაკეტებს გაუგზავნის
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|