2016-02-11 17:08:24, 485 ნახვა
საზოგადოება
„თიბისი ბანკი“ საქართველოს სახელმწიფო ოპერის თეატრის პარტნიორი გახდა
„თიბისი ბანკი“ საქართველოს სახელმწიფო ოპერის თეატრის პარტნიორი გახდა. „თიბისი ბანკსა“ და სახელმწიფო ოპერის თეატრს შორის ურთიერთთანამშრომლობა საბალეტო ხელოვნების პოპულარიზაციას, ერთობლივი კულტურული და სოციალური პროექტების განხორციელებას ისახავს მიზნად. ურთიერთთანამშრომლობის შესახებ განცხადება დღეს ოპერის თეატრში საქართველოს სახელმწიფო ოპერის თეატრის სამხატვრო ხელმძღვანელმა დავით კინწურაშვილმა, საქართველოს სახელმწიფო ბალეტის სამხატვრო ხელმძღვანელმა ნინო ანანიაშვილმა და თიბისი ბანკის სამეთვალყურეო საბჭოს თავმჯდომარემ მამუკა ხაზარაძემ ერთობლივი ბრიფინგზე გააკეთეს. „თიბისი ბანკი, ტრადიციულად, არის კულტურის მხარდამჭერი საქართველოში. ჩვენთვის დიდი ბედნიერებაა ისეთ ვარსკვლავებთან თანამშრომლობა, როგორიც არის პრიმა-ბალერინა ნინო ანანიაშვილი და მრავალი საოპერო მომღერალი, რომლებმაც ამ თეატრში აიდგეს ფეხი. ჩვენ ვიქნებით ის გუნდი, რომელიც მათ მხარში დაუდგება და უამრავ ერთობლივ, საინტერესო პროექტს შევთავაზებთ საზოგადოებას“, - განაცხადა „თიბისი ბანკის“ სამეთვალყურეო საბჭოს თავმჯდომარემ მამუკა ხაზარაძემ. 2016 წლის 30 იანვარს საქართველოს სახელმწიფო ოპერის თეატრი რეკონსტრუქციის შემდეგ საზეიმოდ გაიხსნა. შენობას ჩაუტარდა შიდა და გარე სარესტავრაციო სამუშაოები, განახლდა და ამავდროულად პირვანდელი სახე შეუნარჩუნდა ოპერის თეატრის ფასადსა და ინტერიერს; სრულიად შეიცვალა სცენის ზედა და ქვედა მექანიზაცია; გაფართოვდა საორკესტრო ორმო; დამონტაჟდა ულტრათანამედროვე ვიდეო, აუდიო, ინტერკომი და განათების სისტემები. საქართველოს სახელმწიფო ბალეტი, რომელსაც 2004 წლიდან ხელმძღვანელობს პრიმა–ბალერინა ნინო ანანიაშვილი, დღეს საქართველოში მოქმედი ერთადერთი პროფესიული საბალეტო კომპანიაა. საბალეტო დასი გამორჩეულია მრავალფეროვანი რეპერტუარით, რომელშიც წარმოდგენილია, როგორც კლასიკური საბალეტო მემკვიდრეობის თითქმის ყველა სპექტაკლი, ასევე თანამედროვე ქორეოგრაფების ბალეტები. უკვე ათ წელზე მეტია ქართული ბალეტი თანამშრომლობს ჯორჯ ბალანჩინის ფონდთან, თანამედროვეობის ისეთ გამოჩენილ ქორეოგრაფებთან როგორებიც არიან – ირჟი კილიანი, იორმა ელო, იური პოსოხოვი, თრეი მაკინტაერი, ალექსეი რატმანსკი, ალექსეი ფადეეჩევი და სხვა. დასის რეპერტუარში 60–ზე მეტი კლასიკური და ერთმოქმედებიანი ბალეტია. „ძალიან მნიშვნელოვანია ჩვენთვის, რომ ასეთი დიდი ბიზნესჯგუფი ოპერისა და ბალეტის თეატრის მხარდამჭერი გახდა. მათი ყველანაირი დახმარება ჩვენთვის დიდი ძალაა. ჩვენ ახლა ვიწყებთ თანამშრომლობას და უამრავი საინტერესო გეგმა გვაქვს ერთად განსახორციელებელი", - აღნიშნა საქართველოს სახელმწიფო ბალეტის სამხატვრო ხელმძღვანელმა ნინო ანანიაშვილმა. „სასიხარულოა, რომ 6 წლიანი პაუზის შემდეგ საბალეტო დასი კვლავ ოპერის თეატრის განახლებულ სცენაზე იცეკვებს. 2016 წლის 12 თებერვალს დასი პირველ საბალეტო პრემიერას, დავით თორაძის და ვახტანგ ჭაბუკიანის ორმოქმედებიან ბალეტს „გორდას" წარუდგენს მაყურებელს, რომლის ახალი ქორეოგრაფიული ვერსიაც ნინო ანანიაშვილს ეკუთვნის. საბალეტო დასის წარმატებები, როგორც ქართულ ისე საერთაშორისო სცენაზე გულგრილს არ ტოვებს ხელოვნების მოყვარულებს. ქართული კულტურის მხარდაჭერა თიბისი ბანკის სოციალური პასუხისმგებლობის მნიშვნელოვანი მიმართულებაა. თიბისი ბანკი მოხარულია, რომ საქართველოს სახელმწიფო ბალეტის პარტნიორი ხდება, რითაც ხელს შეუწყობს საბალეტო ხელოვნების განვითარებას და კიდევ უფრო მეტ პოპულარიზაციას“, - აცხადებენ „თიბისი ბანკში“.
(R) ავტორი: ირაკლი მანაგაძე , ექსპრესნიუსის რეპორტიორი 2009 წლიდან კლევერლი - გაერთიანებული სამეფო რუსეთის სამხედრო ატაშეს ქვეყნიდან გააძევებს
„მნიშვნელოვანია, შეწყდეს ჩვენი ისტორიის დამახინჯების ან დავიწყების მცდელობა“ - პუტინმა ქართველ ხალხს გამარჯვების დღე მიულოცა
კუპატაძე - ვაფრთხილებთ აქციის მონაწილეებს, გამოყენებული იქნება მკაცრი ზომები, როგორც ამერიკის და ევროპის წამყვან ქვეყნებშია მიღებული
კობიაშვილი - ფეხბურთელებზე წარმოუდგენელი მასშტაბის ზეწოლა და თავდასხმა ხორციელდება
|
ომი უკრაინაშირუსეთმა უკრაინის ექვსი რეგიონის ენერგეტიკულ ობიექტებზე მასშტაბური დარტყმები განახორციელა
უკრაინის გენშტაბი - საომარი მოქმედებების დაწყებიდან დღემდე, უკრაინაში 477 430-მდე რუსი ჯარისკაცი მოკლეს
უკრაინის გენშტაბი - საომარი მოქმედებების დაწყებიდან დღემდე, უკრაინაში 476 460-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ილია მეორეს სააღდგომო ეპისტოლე - სრულად
დღის თემა
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|