2016-06-29 11:56:07, 771 ნახვა
კომენტარი
კალაძე: ტერორიზმი მთელმა კაცობრიობამ ხისტად და დანდობის გარეშე უნდა ამოვძირკვოთ ჩვენი რეალობიდან
ვიცი-პრემიერი, ენერგეტიკის მინისტრი კახა კალაძე სოციალურ ქსელში თურქეთში მომხდარ ტრაგედიას გამოეხმაურა და დაღუპულთა ოჯახებს მიუსამძიმრა. „ტერორიზმი თანამედროვე მსოფლიოს შავი ჭირია. რომელიც სპობს ყველაფერს, რასაც შეეხება : ქალს, კაცს, ბავშვს, ასაკოვანს და ახალგაზრდას... პლანეტის ნებისმიერ წერტილში, განურჩევლად ეროვნებისა. ამ საშინელებასთან ბრძოლაში ყველა უნდა გავერთიანდეთ, ასევე განურჩევლად ეროვნებისა თუ სარწმუნოებისა, ასაკისა თუ სქესისა... სტამბოლში საშინელება მოხდა, ეს ტერაქტი ამ გამოუცხადებელი ომის სისხლიან ქრონიკაში ჩაიწერება, როგორც კიდევ ერთი ტკივილი, აღშფოთება და უდიდესი ადამიანური ტრაგედია... ვუსამძიმრებ ყველას. დღეს ჩვენ თითოეული დაღუპულის ოჯახი უნდა გავამხნევოთ, დღეს ჩვენ თითოეული დაჭრილის გვერდით უნდა დავდგეთ. ჩვენ - მთელმა კაცობრიობამ არა მარტო უნდა დავგმოთ ტერორიზმი და ვიგლოვოთ მსხვერპლი, არამედ ხისტად და დანდობის გარეშე უნდა ამოვძირკვოთ ეს ბოროტება ჩვენი რეალობიდან! თანადგომა და თანაგრძნობა თურქ ხალხს და მთავრობას, სამძიმარი და ნუგეში მსხვერპლის ახლობლებს... მე მწამს, რომ ეს ომი სიკეთის გამარჯვებით, გონიერი კაცობრიობის გამარჯვებით დასრულდება... რაც შეიძლება სწრაფად და მოკლე დროში“, - ნათქვამია ვიცე-პრემიერის განცხადებაში. ცნობისთვის, სტამბოლის ათათურქის აეროპორტში მომხდარი თავდასხმების შედეგად მსხვერპლი იზრდება, ბოლო მონაცემებით, 50 ადამიანი გარდაიცვალა. თურქული მედიის ცნობით, დაშავებულთა რაოდენობამ 147 მიაღწია. ავტორი: ირაკლი მანაგაძე , ექსპრესნიუსის რეპორტიორი 2009 წლიდან „მოვახდენთ იდენტიფიცირებას იმ პირების, ვინც ხელოვნურად კეტავს გზას“ - პოლიცია აქციის მონაწილეებს გზის გათავისუფლებისკენ მოუწოდებს
ვლადიმერ პუტინი მაისში ჩინეთში ვიზიტს გეგმავს
CNN - ტანზანიაში წყალდიდობის შედეგად 155 ადამიანი დაიღუპა - დაშავებულია 230-ზე მეტი ადამიანი
შოლცი - საფრანგეთს და გერმანიას სურს, რომ ევროპა ძლიერი დარჩეს
|
ომი უკრაინაშირუსებმა ხარკოვის ოლქში ბალაკლიას რაიონი დაბომბეს - არიან დაშავებულები
Reuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|