2015-03-02 16:03:21, 371 ნახვა
პოლიტიკა
გოჩა რატიანმა ნატო-ს კეთილსინდისიერების ამაღლების პროგრამის კონფერენციაში მიიღო მონაწილეობა
ვაშინგტონში ნატო-ს კეთილსინდისიერების ამაღლების პროგრამის ფარგლებში ორდღიანი კონფერენცია გაიმართა. თავდაცვის სამინისტროს ინფორმაციით, ფორუმი ნატოს წევრი და პარტნიორი ქვეყნების თავდაცვისა და უსაფრთხოების სექტორში კორუფციის რისკების შესამცირებლად მჭიდრო და ეფექტური თანამშრომლობის ხელშეწყობას ისახავდა მიზნად. უწყების ცნობით, კონფერენციაში მონაწილეობა საქართველოს თავდაცვის მინისტრის პირველმა მოადგილემ მიიღო. პანელში „კორუფცია მტერი ნომერი 1“ გოჩა რატიანმა თავდაცვის უწყებაში გატარებული, მიმდინარე და დაგეგმილი რეფორმების შესახებ ისაუბრა. მან ხაზგასმით აღნიშნა ქართული მხარის მტკიცე ნება გადადგას ყველა ის ნაბიჯი, რაც თავდაცვის სამინისტროს სისტემაში ეფექტური ანტიკორუფციული გარემოს ჩამოყალიბებისა და ინსტიტუციური გაძლიერებისთვისაა აუცილებელი. გარდა ამისა, აშშ-ში ვიზიტის ფარგლებში, გოჩა რატიანი აშშ-ის ეროვნული თავდაცვის უნივერსიტეტშიც იმყოფებოდა. მან ამერიკის უმაღლესი სამხედრო სასწავლებლის ხელმძღვანელობასთან გამართა შეხვდა. მხარეებმა აშშ-ის ეროვნული თავდაცვის უნივერსიტეტის სხვადასხვა პროგრამაში ქართველი სამხედრო და სამოქალაქო წარმომადგენლების მონაწილეობასა და მიღებული განათლების მომავალში მაქსიმალურად ეფექტურად გამოყენების მნიშვნელობაზე გაამახვილა ყურადღება. თავდაცვის მინისტრის პირველი მოადგილე უმაღლეს სამხედრო სასწავლებელში ამჟამად სასწავლებლად მყოფ ქართველ სტუდენტებსაც გაესაუბრა. ავტორი: ირაკლი მანაგაძე , ექსპრესნიუსის რეპორტიორი 2009 წლიდან განათლების კოალიცია - ვუერთდებით სამოქალაქო და მედია ორგანიზაციების პეტიციას - ღირსების შემლახავ რეესტრში არ დავრეგისტრირდებით
კანადა უკრაინას საბრძოლო თვითმფრინავების წარმოებისთვის 2,3 მილიონ დოლარზე მეტს გამოუყოფს
14 სენატორი კობახიძეს „უცხოური გავლენის გამჭვირვალობის შესახებ“ კანონპროექტის უკან გაწვევისკენ მოუწოდებს
ბაიდენი - აშშ მიმდინარე კვირაში უკრაინისათვის იარაღის გაგზავნას დაიწყებს
|
ომი უკრაინაშიკანადა უკრაინას საბრძოლო თვითმფრინავების წარმოებისთვის 2,3 მილიონ დოლარზე მეტს გამოუყოფს
უკრაინის დაზვერვა - მოსკოვის აეროდრომზე რუსების ვერტმფრენი Ka-32 გავანადგურეთ
უკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|