2015-03-05 15:46:06, 461 ნახვა
ეკონომიკა
„თიბისი ბანკმა", მეწარმეობის განვითარების სააგენტომ და საერთაშორისო საფინანსო კორპორაციამ მემორანდუმი გააფორმეს
„თიბისი ბანკის" სათავო ოფისში, „თიბისი ბანკს“ , მეწარმეობის განვითარების სააგენტოსა და საერთაშორისო საფინანსო კორპორაციას (IFC-ს) შორის ურთიერთგაგების მემორანდუმი გაფორმდა. მემორანდუმის თანახმად, IFC, რომელიც მსოფლიო ბანკის ჯგუფის წევრია,ხელს შეუწყობს საქართველოს რეგიონებში თიბისი ბანკის „ბიზნესის მხარდაჭერის პროგრამის“ ფარგლებში შექმნილი უფასო საგანმანათლებლო ვებ-პორტალის (tbcbusiness.ge) ხელმისაწვდომობას. სამმხრივი თანამშრომლობა სახელმწიფო პროგრამის „აწარმოე საქართველოში“ ახალი პროექტის - მიკრო და მცირე მეწარმეობის ხელშეწყობის ფარგლებში შედგება: რეგიონებში მცხოვრები პირები, რომლებიც დაინტერესებული არიან ახალი ბიზნესის წამოწყებით, ადგილობრივი წარმოების წახალისების მიზნით „მეწარმეობის განვითარების სააგენტოსგან“ ფინანსურ და ტექნიკურ მხარდაჭერას მიიღებენ. „tbcbusiness.ge-ს ფარგლებში, სპეციალურად მიკრო და მცირე მეწარმეებისათვის შექმნილია აპლიკაცია -„თიბისი ბიზნეს აკადემია“, რომელიც ხელმისაწვდომი იქნება საქართველოს რეგიონებში მცხოვრები მოსახლეობისათვის და დამწყებ ბიზნესმენებს მისცემს საშუალებას, საქმიანობის წამოწყებისა და განვითარებისთვის აუცილებელი ცოდნა ვირტუალურ რეჟიმში შეიძინონ: მოისმინონ ლექციები, გაეცნონ მასალებს ბიზნესის მართვის, ფინანსების საფუძვლებისა და ზოგადი მენეჯმენტის შესახებ; ისწავლონ ბიზნეს გეგმის შემუშავება და რეალურად მოემზადონ ბიზნესის დასაწყებად. გარდა ამისა, „თიბისი ბიზნეს აკადემია“ აძლევს აპლიკანტებს საშუალებას, სპეციალური ტესტების საშუალებით შეამოწმონ მიღებული ცოდნა და მიიღონ სერთიფიკატი. საგანმანათლებლო ბიზნეს ვებპორტალი (tbcbusiness.ge) IFC- ის ინოვაციას წარმოადგენს და IBM-თან თანამშრომლობით შეიმნა. მასში თავმოყრილია ყველა ის საბაზისო ინსტრუმენტი და საგანმანათლებლო რესურსი, რომელიც მეწარმეებს ბიზნესის უფრო ეფექტურად მართვაში, კონკურენტ-უნარიანობისა და მომგებიანობის ამაღლებაში ეხმარება. ამ პორტალის ამოქმედება საქართველოში IFC-ის იმ სტრატეგიის ნაწილია, რომელიც ევროპისა და ცენტრალურ აზიაში მცირე და საშუალო ბიზნესის მხარდაჭერას ისახავს მიზნად. IFC-ის და თიბისი ბანკის ერთობლივი პროექტი 2013 წლიდან ამოქმედდა და შვეიცარიის ეკონომიკური ურთიერთობების სახელმწიფო სამდივნოს (SECO) ფინანსური მხარდაჭერით ხორციელდება“,-ნათქვამია თიბისი ბანკის განცხადებაში. ამასთან, როგორც ჟურნალისტებთან საუბრისას „თიბისი ბანკის" გენერალურმა დირექტორმა ვახტანგ ბუცხრიკიძემ აღნიშნა, მეწარმეობის სააგენტოსთან და საერთაშორისო საფინანსო კომპანიასთან გაფორმებული ურთიერთგაგების მემორანდუმი ხელს შეუწყობსმცირე ბიზნესის განვითარებას. „პირველი ეს პროექტი მოხმარდება მცირე ბიზნესის განვითარებას და ეს იქნება თბილისს გარეთ. მეორე „თიბისი ბანკმა" გაუშვა აპლიკაცია, რომელიც არის ვირტუალურ სივრცეში და ადამინს ნებისმიერი კუთხიდან აძლევს შესაძლებლობას , რომ ცოდნა გაიღრმავოს, ამ აპლიკაციების და ვებ საიტის მეშვეობით. ასეთი პროექტების განვითარება განსაკუთრებულად მნიშვნელოვანია წელს“,-განაცხადა ვახტანგ ბუცხრიკიძემ. მემორანდუმს „თიბისი ბანკის" გენერალურმა დირექტორმა ვახტანგ ბუცხრიკიძემ, მეწარმეობის განვითარების სააგენტოს დირექტორმა გიორგი ციკოლიამ და IFC-ის წარმომადგენელმა საქართველოში, თეა გიგიბერიამ მოაწერეს ხელი. ავტორი: ირაკლი მანაგაძე , ექსპრესნიუსის რეპორტიორი 2009 წლიდან „მოვახდენთ იდენტიფიცირებას იმ პირების, ვინც ხელოვნურად კეტავს გზას“ - პოლიცია აქციის მონაწილეებს გზის გათავისუფლებისკენ მოუწოდებს
ვლადიმერ პუტინი მაისში ჩინეთში ვიზიტს გეგმავს
CNN - ტანზანიაში წყალდიდობის შედეგად 155 ადამიანი დაიღუპა - დაშავებულია 230-ზე მეტი ადამიანი
შოლცი - საფრანგეთს და გერმანიას სურს, რომ ევროპა ძლიერი დარჩეს
|
ომი უკრაინაშირუსებმა ხარკოვის ოლქში ბალაკლიას რაიონი დაბომბეს - არიან დაშავებულები
Reuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|