2016-07-27 10:11:03, 610 ნახვა
პოლიტიკა
ამბასადორიალის მონაწილეებს საპატიო სტუმრის სტატუსით უნგრეთის საგარეო საქმეთა მინისტრი მიმართავს
თბილისში საზღვარგარეთ საქართველოს დიპლომატიური წარმომადგენლობების ხელმძღვანელთა ყოველწლიური შეკრება - "ამბასადორიალი 2016" მიმდინარეობს. საგარეო უწყების ინფორმაციით, ღონისძიების ფარგლებში დღეს ამბასადორიალის მონაწილეებს საპატიო სტუმრის სტატუსით მიმართავს უნგრეთის საგარეო საქმეთა და ვაჭრობის მინისტრი პიტერ სიიარტო. ამბასადორიალი სამუშო თემატური სესიებით გაგრძელდება, სადაც განხილული იქნება საქართველოს დემოკრატიული განვითარების, ქვეყნის სუვერენიტეტისა და ტერიტორიული მთლიანობის, ევროპული და ევროატლანტიკური ინტეგრაციის, კულტურული და ეკონომიკური დიპლომატიის საკითხები. ამბასადორიალის მონაწილეებთან თემატური სესიის ფარგლებში შეხვედრებს გამართავენ საქართველოს აღმასრულებელი და საკანონმდებლო ხელისუფლების წარმომადგენლები. ამბასადორიალის მონაწილეები ეწვევიან საქართველოს ტექნოლოგიურ პარკს, სადაც გაიმართება ეკონომიკური დიპლომატიის საკითხებზე სამუშაო სესია. ელჩებისთვის გაიმართება პრეზენტაცია საქართველოში თანამედროვე ტექნოლოგიების დამკვიდრების, ინოვაციებისა და სტარტაპების ეკოსისტემის შესახებ. ასევე, აღსანიშნავია, რომ წელს პირველად "ამბასადორიალი 2016"-ის ფარგლებში საქართველოს დიპლომატიური მისიის ხელმძღვანელები შეხვედრას გამართავენ ბიზნესსექტორის წარმომადგენლებთან. "ამბასადორიალი 2016" 26 ივლისს გაიხსნა და 29 ივლისამდე გასტანს. ღონისძიების გახსნის ცერემონიაზე მონაწილეებს სიტყვით მიმართეს საქართველოს პრეზიდენტმა, პრემიერ-მინისტრმა და საგარეო საქმეთა მინისტრმა. ავტორი: ირაკლი მანაგაძე , ექსპრესნიუსის რეპორტიორი 2009 წლიდან „მოვახდენთ იდენტიფიცირებას იმ პირების, ვინც ხელოვნურად კეტავს გზას“ - პოლიცია აქციის მონაწილეებს გზის გათავისუფლებისკენ მოუწოდებს
ვლადიმერ პუტინი მაისში ჩინეთში ვიზიტს გეგმავს
CNN - ტანზანიაში წყალდიდობის შედეგად 155 ადამიანი დაიღუპა - დაშავებულია 230-ზე მეტი ადამიანი
შოლცი - საფრანგეთს და გერმანიას სურს, რომ ევროპა ძლიერი დარჩეს
|
ომი უკრაინაშირუსებმა ხარკოვის ოლქში ბალაკლიას რაიონი დაბომბეს - არიან დაშავებულები
Reuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|