2016-08-26 20:30:08, 1992 ნახვა
მსოფლიო
იტალიაში 8 წლის გოგონამ მიწისძვრის დროს დის სიცოცხლე გადაარჩინა, თავად კი ნანგრევების ქვეშ მოჰყვა
იტალიის ქალაქ პესკარა-დელ-ტრონტოში 8 წლის გოგონამ მიწისძვრის დროს საკუთარი დის სიცოცხლე გადაარჩინა, თავად კი შენობის ნანგრევების ქვეშ მოჰყვა, - ამის შესაებ ინფორმაციას Daily Mail-ი ავრცელებს. როგორც მედია საშუალება წერს, მიწისძვრის დროს, როდესაც მათი სახლი ინგრეოდა, ჯულია რენალდო საკუთარ ოთხი წლის დას, სახელად ჯორჯიას სხეულით გადაეფარა და მისი სიცოცხლე საფრთხისგან იხსნა. თავად, ჯულია ნანგრევებში მოჰყვა და გარდაიცვალა. "ჯულია გარდაიცვალა, რადგან საკუთარი დის სიცოცხლე გადაარჩინა. ის დას სხეულით გადაეფარა და სიკვდილისგან იხსნა. სწორედ ისაა ერთადერთი მიზეზი იმისა, რომ ჯორჯია დღეს ცოცხალია ", - განაცხადა გოგონების ბებიამ, ანგელა კაფინიმ. მისი თქმით, გოგონას ჯანმრთელობის მდგომარეობა დამაკმაყოფილებელია. ის უმნიშვნელო ნაკაწრებით საავადმყოფოშია გადაყვანილი. მანამდე, მაშველებმა მიწისძვრის შედეგად დანგრეულ ერთ-ერთ შენობაში სამძებრო ღონისძიებების შედეგად 10 წლის გოგონა სიკვდილისგან იხსნეს, რომელიც შემთხვევის ადგილზე 17 საათის განმავლობაში იმყოფებოდა. როგორც BBC წერს, ამ დროისთვის არსებული ბოლო ინფორმაციით, სტიქიის შედეგად დაღუპულთა რაოდენობა 267-მდე გაიზარდა. მათი უმრავლესობა - დაახლოებით 200 ადამიანი ქალაქ ამატრიჩეში დაიღუპა. დაზალებულთა დასახმარებლად იტალიის მთავრობამ 50 მილიონი ევრო გამოყო. რენციმ პირობა დადო, რომ დამატებითი თანხები მალე გამოიყოფა. შეგახსენებთ, 24 აგვისტოს, ცენტრალურ იტალიაში 6,4 მაგნიტუდის სიმძლავრის მიწისძვრა მოხდა. აღნიშნული მიწისძვრის შემდეგ კი იგივე რეგიონი 5,5 მაგნიტუდის სიმძლავრის მიწისძვრამ შეაქანა. მიწისძვრებს შედეგად მოჰყვა ნგრევა. ქალაქი ამატრიჩეს ნახევარი აღარ არსებობს. მიწისძვრის შედეგად დანგრეულია მთელი რიგი ქალაქები და სოფლები. ყველაზე მეტად დაზიანებულია შემდეგი ქალაქები: აკუმოლი, ამატრიჩე, პოსტა და არკატა-დელ-ტრონტო. ავტორი: ირაკლი მანაგაძე , ექსპრესნიუსის რეპორტიორი 2009 წლიდან განათლების კოალიცია - ვუერთდებით სამოქალაქო და მედია ორგანიზაციების პეტიციას - ღირსების შემლახავ რეესტრში არ დავრეგისტრირდებით
კანადა უკრაინას საბრძოლო თვითმფრინავების წარმოებისთვის 2,3 მილიონ დოლარზე მეტს გამოუყოფს
14 სენატორი კობახიძეს „უცხოური გავლენის გამჭვირვალობის შესახებ“ კანონპროექტის უკან გაწვევისკენ მოუწოდებს
ბაიდენი - აშშ მიმდინარე კვირაში უკრაინისათვის იარაღის გაგზავნას დაიწყებს
|
ომი უკრაინაშიკანადა უკრაინას საბრძოლო თვითმფრინავების წარმოებისთვის 2,3 მილიონ დოლარზე მეტს გამოუყოფს
უკრაინის დაზვერვა - მოსკოვის აეროდრომზე რუსების ვერტმფრენი Ka-32 გავანადგურეთ
უკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|