2016-09-28 12:33:07, 638 ნახვა
პოლიტიკა
ჰეიდი ჰაუტალა: საქართველოში რეფორმების განხორციელების პოლიტიკური სურვილი აღფრთოვანებას იწვევს და სამაგალითოა
ევროაპრლამენტის დეპუტატებმა, ევროკომისიის, ნატო-ს, ევროკავშირის წევრი ქვეყნების მისიების, სამოქალაქო საზოგადოების და ბიზნეს-წრეების წარმომადგენლებმა ევროპარლამენტში დიალოგის პოლიტიკის ფარგლებში საქართველოს საკითხი განიხილეს, - ამის შესახებ ინფორმაციას პორტალი Commonspace.eu ავრცელებს. სიტყვით გამოსვლისას ფინელმა დეპუტატმა, ევროპარლამენტის ასამბლეის თავმჯდომარემ ჰეიდი ჰაუტალამ საქართველოს გადაწყვეტილება, შეასრულოს ასოცირების შეთანხმების მოთხოვნები დადებითად შეაფასა. მისი თქმით, ევროკავშირთან ასოცირების შეთაბხმება ძლიერი ინსტრუმენტია, რომელიც ქართველი ხალხის სასარგებლოდ მუშაობს. “საქართველოში რეფორმების განხორციელების პოლიტიკური სურვილი აღფრთოვანებას იწვევს და სამაგალითოა”, - განაცხადა ჰეიდი ჰაუტალამ. დეპუტატმა მაღალი შეფასება მისცა ქართულ სამოქალაქო საზოგადოებრივ ორგანიზაციების საქმიანობას და მათი მაკონტროლებელი როლის შესახებ ისაუბრა. ჰაუტალას განცხადებით, ევროპარლამენტი საქართველოს ევროინტეგრაციის პროცესის პრაქტიკულ მხარდაჭერას ცდილობს. მან მწუხარება გამოთქვა იმის გამო, რომ საქართველოს ვიზალიბერალზიაციის პროცესი ევროკავშირის წევრი ქვეყნების პოლიტიკის მძევლად იქცა. ფინელმა დეპუტატმა ევროპარლამენტს ვიზალიბერალიზაციის საკითხის გადაწყვეტის დაჩქარებისკენ მოუწოდა. როგორც ჰაუტალამ აღნიშნა, საქართველოს მშვიდობიანი პოლიტიკური კლიმატი იმისთვის სჭირდება, რომ მან რეფორმების ძალისხმევის შედეგების გამოყენება დაიწყოს. ევროპარლამენტში დიალოგი თემაზე “საქართველო: მიღწევების აღიარება, რეფორმების გაძლიერება და მომავალი ამოცანებისა და მისწრაფებების განხორციელება” ევროპული პოლიტიკის წენტრისა და LINKS-ის მიერ იყო ორგანიზებული. შეხვედრას ლატვიელი დეპუტატი, საქართველოს საკითხზე მომხსენებელი ანდრეს მამიკინსი ხელმძღვანელობდა. ავტორი: ირაკლი მანაგაძე , ექსპრესნიუსის რეპორტიორი 2009 წლიდან პროკურატურა - როინ შავაძის უკანონო დაკავებაში თანამონაწილეობის ფაქტზე, კიდევ ერთი პირის მიმართ სისხლისსამართლებრივი დევნა დავიწყეთ
„საქართველოს ბანკის“ მხარდაჭერით G&A ჯგუფი საწარმოო ხაზსა და სიმძლავრეებს აფართოებს
ოთარ შამუგიამ ახალი პროექტის „ინკლუზიური სოფლის განვითარება და მდგრადი სოფლის მეურნეობა“ შეთანხმების დოკუმენტს მოაწერა ხელი
პატელი - კანონპროექტის შინაარსი წარმოუდგენლად შემაშფოთებელია - ასეთი კანონმდებლობა ევროკავშირის მიზნებთან შეუსაბამოა
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 463 930-მდე რუსი ჯარისკაცი მოკლეს
რუსებმა ხარკოვის ოლქში ბალაკლიას რაიონი დაბომბეს - არიან დაშავებულები
Reuters - აშშ-მა უკრაინას ATACMS-ის რაკეტები ფარულად გაუგზვნა
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|