2015-03-27 12:52:30, 339 ნახვა
პოლიტიკა
აჭარის მთავრობის დელეგაცია ოფიციალური ვიზიტით პოლონეთში იმყოფება
აჭარის მთავრობის დელეგაცია ოფიციალური ვიზიტით პოლონეთში იმყოფება, სადაც სილეზიის სავოევოდოში საერთაშორისო თანამშრომლობის კომისიის მესამე სხდომა იმართება. როგორც „ექსპრესნიუსს“ აჭარის მთავრობის პრესსამსახურიდან აცნობეს, დელეგაციას წარმოადგენს რეგიონის ჯანმრთელობისა და სოციალური დაცვის მინისტრი ნუგზარ სურმანიძე, ფინანსთა და ეკონომიკის მინისტრის მოადგილე რამაზ ბოლქვაძე, აჭარის ა/რ მთავრობის საერთაშორისო ურთიერთობათა დეპარტამენტის უფროსი- ხათუნა ნაყეური და რეგიონის ტურიზმისა და კურორტების დეპარტამენტის ტურისტული სააგენტოს დირექტორი-სოფო ლაზიშვილი. პრესსამსახურის ინფორმაციით, დღეს სილეზიის უნივერსიტეტის რექტორთან პროფესორ ვიესლავ ბენისთან გაიმართება შეხვედრა. შეხვედრისას აჭარაში პოლონური ენის შემსწავლელი კურსების მხარდაჭერაზე და ბათუმისა და სილეზიის უნივერსიტეტებს შორის თანამშრომლობის ხელშეწყობაზე იქნება საუბარი. დაგეგმილია კამპუსის დათვალიერება. დღესვე ხელი მოეწერება 2015 წლის თანამშრომლობის გეგმას. ამასთან, ვიზიტის ფარგლებში უკვე გაიმართა შეხვედრა აჭარის დელეგაციასა და სილეზიის სავოევოდოს ვიცე მარშალთან, ქ-ნ ალექსანდრა სკოვრონეკთან. შეხვედრაზე მხარეებმა ისაუბრეს რეგიონებს შორის ჯანდაცვის, ეკონომიკის,ტურიზმის, განათლებისა და კულტურის სფეროში თანამშრომლობის გაღრმავებაზე. სილეზიის მხარე მზად არის მხარი გადამზადების პროექტს, რომელიც სხვადასხვა დარგის ექიმების კვალიფიკაციის ამაღლებას გულისხმობს სილეზიის ცნობილ კლინიკებში. შეხვედრაზე მხარეებმა გამოხატეს მზაობა ასევე განხორციელდეს გაცვლითი პროგრამა ბავშვებისათვის, რომელთაც ექნებათ საშუალება მშობლებთან ერთად გარკვეული დრო გაატარონ სილეზიაში და აჭარაში. იგეგმება სამთო კურორტზე დასაქმებულთა გადამზადება; კურორტის ირგვლივ კერძო სექტორის განვითარების გეგმის შექმნაში მხარდაჭერა. პოლონეთის აგრო გამოცდილების გაზიარება და მათი აჭარის რეგიონში დანერგვა. რეგიონის საინვესტიციო ცნობადობის ზრდის მიზნით მოხდება რეგიონის საპრომოუშენო ღონისძიებების გაუმჯობესებისათვის ახალი ინსტრუმენტებისა და სამიზნე ბაზრების ათვისება. გარდა ამისა, გუშინ მარშალის ოფისში აჭარისა და სილეზიის თანამშრომლობის კომისიის სხდომა გაიმართა. სხდომას აჭარის მხარიდან ნუგზარ სურმანიძე, ხოლო სილეზიის სავოევოდოს მხრიდან ბორდის წევრი ბ-ნ კაჟიმიერჟ კაროლჟაკი წარმართავდა. სხდომაზე აჭარის მთავრობის საერთაშორისო ურთიერთობების დეპარტამენტის ხელმძღვანელმა ხათუნა ნაყეურმა კომისიის წევრებს წარუდგინა პროექტები, რომელიც 2014 წელს ორ რეგიონს შორის არსებული თანამშრომლობის ფარგლებში ტურიზმის, ჯანმრთელობისა და სოციალური დაცვის, განათლების, კულტურის და ეკონომიკის დარგში დაიგეგმა და განხორციელდა. ცნობისთვის, სილეზიის სავოევოდოსა და აჭარის ავტონომიურ რესპუბლიკას შორის თანამშრომლობა 2011 წელს თანამშრომლობისა და მეგობრული ურთიერთობების განვითარების შესახებ გაფორმებული ხელშეკრულების საფუძველზე გრძელდება. ავტორი: ირაკლი მანაგაძე , ექსპრესნიუსის რეპორტიორი 2009 წლიდან „მნიშვნელოვანია, შეწყდეს ჩვენი ისტორიის დამახინჯების ან დავიწყების მცდელობა“ - პუტინმა ქართველ ხალხს გამარჯვების დღე მიულოცა
კუპატაძე - ვაფრთხილებთ აქციის მონაწილეებს, გამოყენებული იქნება მკაცრი ზომები, როგორც ამერიკის და ევროპის წამყვან ქვეყნებშია მიღებული
კობიაშვილი - ფეხბურთელებზე წარმოუდგენელი მასშტაბის ზეწოლა და თავდასხმა ხორციელდება
ირაკლი ჩიქოვანი ოფიციალური ვიზიტით რუმინეთში იმყოფება
|
ომი უკრაინაშირუსეთმა უკრაინის ექვსი რეგიონის ენერგეტიკულ ობიექტებზე მასშტაბური დარტყმები განახორციელა
უკრაინის გენშტაბი - საომარი მოქმედებების დაწყებიდან დღემდე, უკრაინაში 477 430-მდე რუსი ჯარისკაცი მოკლეს
უკრაინის გენშტაბი - საომარი მოქმედებების დაწყებიდან დღემდე, უკრაინაში 476 460-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ილია მეორეს სააღდგომო ეპისტოლე - სრულად
დღის თემა
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|