„ცოტა საწყენია, როცა მიუთითებენ გუნდურობაზე და მაშინ ჩვენ ვისმენთ ჩემი აზრით გაუმართლებელ და უსამართლო კრიტიკას მთავრობის წევრების, მთავრობის მუშაობის მისამართით ჩვენი გუნდის წევრის, პრეზიდენტის მხრიდან“, - ამის შესახებ საქართველოს პრემიერ-მინისტრმა ირაკლი ღარიბაშვიმლა მთავრობის სხდომაზე განაცხადა.

როგორც პრემიერმა აღნიშნა, პრეზიდენტის ყოველწლიურ მოხსენებასთან დაკავშირებით, კოალიციამ იმსჯელა და გადაწყვიტა, რომ გასული წლის მსგავსად, პრეზიდენტის გამოსვლაზე მთავრობის დასწრება აუცილებელი არ იყო.

„როდესაც საუბარი იყო იმის თაობაზე, უნდა დაესწროს თუ არა მთავრობა პრეზიდენტის გამოსვლას პარლამენტში, ჩვენ ამ საკითხზე გვქონდა მსჯელობა კოალიციაში. კოალიციის საერთო გადაწყვეტილება, აზრი იყო, რომ ვინაიდან ჩვენ აღარ გვსურს პომპეზური იყოს ყველაფერი და ის ღონისძიება, რომელიც გაიმართა გუშინ და რომელზეც გასულ წელს, ახალი კონსტიტუციის, რეალობის გათვალისწინებით არ ჩაითვალა საჭიროდ მთავრობის დასწრება პრეზიდენტის გამოსვლაზე, ეს გადაწყვეტილება ჩვენ დავტოვეთ ძალაში და წელსაც ვთქვით, რომ მთავრობა უბრალოდ არ დაესწრებოდა, ვინაიდან არ იყო ამის აუცილებლობა. ეს იყო პრეზიდენტის გამოსვლა პარლამენტში და ჩემთვის ცოტა საწყენია, როცა მიუთითებენ გუნდურობაზე, ერთი გუნდის დემონსტრირებაზე და მაშინ ჩვენ ვისმენთ ჩემი აზრით გაუმართლებელ და უსამართლო კრიტიკას მთავრობის წევრების, მთავრობის მუშაობის მისამართით ჩვენი გუნდის წევრის, პრეზიდენტის მხრიდან. ეს ძალიან სამწუხაროა ჩემთვის“, - განაცხადა პრემიერმა.

ამასთან, როგორც ღარიბაშვილმა აღნიშნა, მოსახლეობას მთავრობა არ აურჩევია იმისათვის, რომ პრეზიდენტის მხრიდან მთავრობისადმი კრიტიკა ან პრეზიდენტის მისამართით პრემიერ-მინისტრის პასუხები მოისმინოს.                                                                    

„მე მინდა ყველას შევახსენო, რომ ჩვენ მოსახლეობამ არ აგვირჩია იმისთვის, რომ მოისმინოს პრეზიდენტის კრიტიკა მთავრობისადმი ან ჩემი პასუხები პრეზიდენტის მისამართით. მიმაჩნია, რომ ეს არის სირცხვილი და მიმაჩნია, რომ ჩვენ არ გვაქვს ამისათვის დრო. არ უნდა მივცეთ ჩვენს თავს უფლება, რომ დრო დავხარჯოთ ისეთ საკითხებზე, რომელიც არ წარმოადგენს ჩვენი ქვეყნის მოსახლეობისთვის პრიორიტეტს. მაგრამ, ვინაიდან საჯარო იყო ეს გამოსვლა, თუმცა არასოდეს არ მოუმართავს პრეზიდენტს, მინდა სრული პასუხისმგებლობით ვუთხრა მოსახლეობას, არასოდეს არ მოუმართავს პრეზიდენტს რაიმე კითხვით ან რაიმე ინიციატივით. ყოველთვის მე ვიყავი ინიციატორი ჩემს მიერ განხორციელებული ზარების, შეხვედრების და ასე შემდეგ“, - განაცხადა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

განათლების კოალიცია - ვუერთდებით სამოქალაქო და მედია ორგანიზაციების პეტიციას - ღირსების შემლახავ რეესტრში არ დავრეგისტრირდებით

კანადა უკრაინას საბრძოლო თვითმფრინავების წარმოებისთვის 2,3 მილიონ დოლარზე მეტს გამოუყოფს

14 სენატორი კობახიძეს „უცხოური გავლენის გამჭვირვალობის შესახებ“ კანონპროექტის უკან გაწვევისკენ მოუწოდებს

ბაიდენი - აშშ მიმდინარე კვირაში უკრაინისათვის იარაღის გაგზავნას დაიწყებს