2015-04-24 16:18:31, 513 ნახვა
საზოგადოება
დავით ბაქრაძემ ევროინტეგრაციის თემაზე საჯარო ლექცია გამართა
პარლამენტის ეროვნულ ბიბლიოთეკაში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა, დავით ბაქრაძემ საჯარო ლექცია „ევროკავშირი-საქართველოს ასოცირების ხელშეკრულების პერსპექტივები და ქვეყნის საგარეო პოლიტიკის პრიორიტეტები“ გამართა. ლექცია სოციალურ მეცნიერებათა ცენტრის (CSS) საჯარო ლექციათა ციკლის - „საქართველოს ევროპული არჩევანი“ ფარგლებში გაიმართა. შეხვედრას საქართველოს სხვადასხვა უნივერსიტეტების ევროინტეგრაციის თემით დაინტერესებული პროფესორ-მასწავლებლები და სტუდენტები ესწრებოდნენ. შეხვედრა კითხვა-პასუხის რეჟიმში წარიმართა. სახელმწიფო მინისტრმა საქართველოს საგარეო პოლიტიკის პრიორიტეტებზე ისაუბრა და ყურადღება ევროკავშირთან ასოცირების ხელშეკრულებისა და მისივე შემადგენელი ღრმა და ყოვლისმომცველი თავისუფალი სავაჭრო სივრცის შესახებ შეთანხმების განხორციელების პროცესზე გაამახვილა. დავით ბაქრაძემ ხაზი გაუსვა ევროინტეგრაციის პროცესში მიმდინარე რეფორმების შესახებ საზოგადოების ინფორმირებულობის დონის ამაღლების მნიშვნელობას და შეხვედრის მონაწილეებს მთავრობის მიერ შემუშავებული კომუნიკაციის სტრატეგიის ძირითად მიმართულებებზე ინფორმაცია მიაწოდა. „მნიშვნელოვანია, რომ სოციალურ მეცნიერებათა ცენტრმა მსგავსი შეხვედრა მოაწყო. ლექციაზე ვისაუბრეთ საქართველოს ევროინტეგრაციის კუთხით არსებულ მდგომარეობასა და ასოციერების დიდი და მრავლისმომცველი დოკუმენტის შესრულების მიმდინარეობაზე, საუბარი შეეხო ვიზა ლიბერალიზაციის სამოქმედო გეგმის შესრულების საკითხებსაც. საზოგადოებასთან ამ ფორმით კომუნიკაცია მნიშვნელოვანია, რომ მოხდეს არსებული გამოწვევების იდენტიფიცირება და მათზე სათანადო რეაგირება. ჩვენ ვაგრძელებთ ინფორმაციის სტრატეგიას, რომლის ფარგლებშიც ვმართავთ მსგავს შეხვედრებს. ჩვენი პარტნიორები არიან სწორედ არასამთავრობო სექტორი, სამეცნიერო და აკადემიური წრეები, მოსწავლეები, რომლებიც ენთუაზიაზმით ყოველთვის მხარს უჭერდნენ მსგავს საინფორმაციო აქციებს. მალე ევროპის დღეები მოდის და ჩვენ კიდევ უფრო აქტიური კამპანიისთვის ვემზადებით“, - განაცხადა დავით ბაქრაძემ. ავტორი: ირაკლი მანაგაძე , ექსპრესნიუსის რეპორტიორი 2009 წლიდან განათლების კოალიცია - ვუერთდებით სამოქალაქო და მედია ორგანიზაციების პეტიციას - ღირსების შემლახავ რეესტრში არ დავრეგისტრირდებით
კანადა უკრაინას საბრძოლო თვითმფრინავების წარმოებისთვის 2,3 მილიონ დოლარზე მეტს გამოუყოფს
14 სენატორი კობახიძეს „უცხოური გავლენის გამჭვირვალობის შესახებ“ კანონპროექტის უკან გაწვევისკენ მოუწოდებს
ბაიდენი - აშშ მიმდინარე კვირაში უკრაინისათვის იარაღის გაგზავნას დაიწყებს
|
ომი უკრაინაშიკანადა უკრაინას საბრძოლო თვითმფრინავების წარმოებისთვის 2,3 მილიონ დოლარზე მეტს გამოუყოფს
უკრაინის დაზვერვა - მოსკოვის აეროდრომზე რუსების ვერტმფრენი Ka-32 გავანადგურეთ
უკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|