სტიქიის შედეგების სალიკვიდაციოდ სარეზერვო ფონდში 24 მილიონი ლარი, 700 ათასი დოლარი და 13 ათასი ევროა მობილიზებული

2015-07-03 17:15:23, 320 ნახვა

სტიქიის შედეგების სალიკვიდაციოდ სარეზერვო ფონდში 24 მილიონი ლარი, 700 ათასი დოლარი და 13 ათასი ევროა მობილიზებული.
ამის შესახებ ფინანსთა მინისტრის მოადგილე ცოტნე ყავლაშვილმა ჟურნალისტებს მთავრობის ადმინისტრაციაში განუცხადა.
მისივე განმარტებით, ამ თანხიდან შემოწირულობის სახით მიღებულია 9 მილიონი ლარი, დანარჩენი კი სახელომწიფოს მიერ მობილიზებული რესურსია.
„სტიქიასთან დაკავშირებით გამოტანილი იქნა განკარგულების პროექტი, რომლითაც იმ უწყებებს, რომლებმაც სურვილი გამოთქვეს, რომ სტიქიის შედეგების სალიკვიდაციოდ შეამცირებდნენ თანხმებს. მათ ეს თანხმები აკლდებათ და ის მთავრობის სარეზერვო ფონდში მიიმართება.მერიის მომართვის შემდეგ მთავრობის სარეზერვო ფონდიდან ეს თანხები კონრეტული მიზნობრიობით გამოიყოფა. სარეზერვო ფონდში მობილიზებულია 24 მილიონი ლარი, 700 ათასი დოლარი და 13 ათასი ევრო, თუმცა აქედან შემოწირულობის სახით მიღებულია 9 მილიონი ლარი დანარჩენი კი არის სახელმწიფის მიერ მობილიზებული რესურსი-სახელმწიფო ორგანიზაციებიდან, ფონდებიდან“,-აღნიშნა ყავლაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან