2015-07-30 11:30:22, 493 ნახვა
საზოგადოება
შვედური ინტერნეტ-გამოცემა „Expressen Ledare“ სტატიას - „არ დათმო საქართველო’’ აქვეყნებს
შვედური ინტერნეტ-გამოცემა „Expressen Ledare“ სტატიას - „არ დათმო საქართველო’’ აქვეყნებს. სტატიაში საუბარია საქართველო-რუსეთის ურთიერთობებზე, 2008 წლის ომსა და ომის შემდგომ რუსეთის მიერ საქართველოს ტერიტორიების მიმდინარე ანექსიაზე. სტატიის ავტორი რუსეთისადმი საქართველოს ამჟამინდელი მთავრობის დეესკალაციის პოლიტიკაზეც საუბრობს და აღნიშნავს, რომ ამის მიუხედავად, ბოლო დროს რუსეთი გამოკვეთილი ნაბიჯებით განაგრძობს საქართველოს რეგიონების საკუთარი გავლენის ქვეშ მოქცევას. ავტორი ევროკავშირს აკრიტიკებს და აღნიშნავს, რომ საკმარისი ძალისხმევა არ არის მიმართული საქართველოს მხარდასაჭერად. „საქართველოს მთავრობა, ისევე როგორც საქართველოს მოსახლეობის უმრავლესობა, ნატოსთან და ევროკავშირთან თანამშრომლობას უჭერს მხარს, რაც რუსეთისთვის მიუღებელია“, - ნათქვამია პუბლიკაციაში. სტატიის ავტორი მოუწოდებს შვედეთის მოსახლეობას და მთავრობას უფრო მეტი ყურადღება გაამახვილონ რუსეთის იმპერიალისტურ პოლიტიკაზე, რადგანაც ეს საფრთხეს არა მხოლოდ საქართველოსა და უკრაინას, არამედ შვედეთსაც უქმნის. „რა თქმა უნდა, საქართველოს და უკრაინას ისეთივე თვითგამორკვევის უფლება გააჩნიათ, როგორიც შვედეთს. ეჭვგარეშეა, რომ შვედეთის დამოუკიდებლობა საფრთხეშია, მაშინ როდესაც რუსეთი ცდილობს მუქარისა და ძალადობის გზით გააკონტროლოს მეზობელი ქვეყანა. ეს რომ კარგად გავიგოთ, ამისათვის საკმარისია მხოლოდ რუკას დავხედოთ’’, - წერს ინტერნეტ-გამოცემა „Expressen Ledare“. ავტორი: ირაკლი მანაგაძე , ექსპრესნიუსის რეპორტიორი 2009 წლიდან |
ომი უკრაინაშიუკრაინის დაზვერვა - მოსკოვის აეროდრომზე რუსების ვერტმფრენი Ka-32 გავანადგურეთ
უკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
Reuters - ესპანეთი უკრაინას Patriot-ის ტიპის რაკეტებს გაუგზავნის
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|