2024-04-17 23:24:21, 346 ნახვა
პოლიტიკა
კანონპროექტის საწინააღმდეგო აქციამ პარლამენტიდან მთავრობის ადმინისტრაციასთან გადაინაცვლა
"უცხოური გავლენის გამჭვირვალობის შესახებ" კანონპროექტის საწინააღმდეგო აქციის მონაწილეებმა პარლამენტის მიმდებარე ტერიტორიიდან მთავრობის ადმინისტრაციასთან გადაინაცვლეს.
პარლამენტთან მიმდინარე აქციაზე აღნიშნული გადაწყვეტილება მას შემდეგ მიიღეს, რაც კანონპროექტის გაწვევის შესახებ "ქართული ოცნებისთვის" მიცემული ერთსაათიანი ვადა ამოიწურა.
აქციის ერთ-ერთი წამყვანის, ლევან ცუცქირიძის განცხადებით, მოქალაქეები მოითხოვენ, რომ მათ პრემიერ-მინისტრი ირაკლი კობახიძე დაელაპარაკოს.
მისივე თქმით, საპროტესტო აქციის მთავარ მოთხოვნად "უცხოური გავლენის გამჭვირვალობის შესახებ" კანონპროქტის გაწვევა და აქციებზე დაკავებული პირების გათავისუფლება რჩება.
ავტორი: ექსპრესნიუსი,